يا جماعة و الله خايفة .. من الغلطات اللى غلطها فى المواد الحد دلوقتى
فى العربى : كتبت الوظيفى و ملحتش اكتب الابداعى قلت اخلى فى الاخر و النحو حليت معظمه بس و الله
المشكلة فى الوقت .. قلت للمراقب بعد ما انتهى الوقت .. قلته خمس دقايق بس احل التعبير و اكمل النحو
مع انه قلى قبل كده قلى براحتك .. اقعدى لحد ما تخلصى وانا اعتمدت على كده .. بس بردو كنت بحل
بسرعة عشان الوقت .. المهم خد منى الورقة و اقعد يقلى معلش احنا لينا وقت معين و لازم نلم .؟
انا اتصدمت بجد بعد العربى .. وحاسة ده اللى حينقصنى كتير .
وفى الالمانى : غلطت فى اتنين اختيارى و اتنين اكمل وواحدة موقف .. يعنى خمس درجات ضاعو
فى التفاضل .. تمام الحمد لله ..
فى الانجلش : غلطت فى اربع اختر و خمسة فايند ذا مستيك شفتو الغباء .. يعنى و الله بغلط فى حجات
تافهة ..
انا خلاص احبطت .. حاسة انى مش حقدر ادخل كلية الالسن .. باذن الله
ودى عايزة مجموع كبير طبعا ... لكن بعد الغلطات دى .. و الله بجد مش عارفة اعمل ايه .
يارب استر ان شاء الله فى الباقى .. و اقدر اقفل فيه و اجيب درجات عالية فيه باذن الله .
عايزة نصايحكم بقى .. و طمنونى العربى غلطاته بكام ؟!