[(( لؤلؤة الايمان ))]

المشاركة الأصلية كتبت بواسطة ahmed el nawam

أنا برده يا دينا ان شاء الله داخل علمي علوم .. ليس حبا في العلوم أو الأحياء .. بل كرها في الفيزياء والرياضيات " بعضها مش كلها " ....

و أنا ان شاء الله عايز كلية أدبية ... وكنت عايز أدخل أدبي .. بس ازااي أمي مش عتسكت طبعا ... ازاي وانا أختي الكبيرة 4 طب اسكندرية و أخويا اعدادي هندسة اسكندرية ... لازم أدخل يا اما مع أختي أو أخويا و الا عبقي فاشل ... بجد أنا مبقتش عارف اعمل ايه .. انا داخل علمي عشان أمي .. بس الكلية محدش ليه دعوة بيها ؟؟ ولا ايه ؟؟

طبعا المجال اللى حضرتك هتتخصص فيه ده حرية شخصية حتى تبرع فيه مادمت بتحبه
ولكن انا شايفة ان حضرتك من المتفوقين 000
ومادمت هتدخل علمى علوم يبقى لازم متقولش انا هدخل كلية ادبى ومش عاوز مجموع طب او مش عاوز اجيب 100% لا انت ذاكر على اساس كدة واعقد النية على اساس كدة
وبعد متجيب المجموع ده صلى استخارة كدة وفكر وادعى ربنا ممكن ساعتها تكون غيرت رايك واعلم ان بعد الاستخارة لو اخترت كلية ادبية ربنا هيوفقك وتبرع فيها
ولو اخترت كلية علمية يبقى ده هو اللى اختاره ليك ربنا وهو الافضل والاحسن ليك
وهو اللى تبرع فيه وبكدة تكون راضيت ولدتك ودخلت علمى علوم وجبت مجموع حلو
وكمان حققت حلمك بدخول الكلية الافضل والاحسن ليك برضى ربنا ومادام ربنا راضى عنك يبقى اكيد والدتك هتكون راضية عنك بإّن الله00 واهم شئ انك تكون عارف ان واليك بيحبولك الخير وعوزين الافضل ليك 000