اقتباس:
المشاركة الأصلية كتبت بواسطة محمد جمال البرنس
علي فكرة انت مستفذ و طريقتك مستفذة و بعدين ياعم المتفوق الانجليزي مكانش سهل و يقول عليه سهل يبقي اهبل او ميعرفش حاجة عشان فيه مثل بيقول اللي ميعرفش يقول عدس انا ليا اصحابي كتير اللي جايبين 100% و 99.5 % و 99% و انا شخصيا جايب 99% و كلنا واقعين في الانجليزي و مش مقفلين الدرجة خصوصا في القطعتين و المدرسين نفسهم قالوا الامتحان مش سهل .. لكن متقعدش تقول بقي انا متفوق و اعرف يعني ايه امتحان صعب و غرور و كلام رخم مستفذ بلاش عشان ده كله هيطلع عليك و انت بتحل و الله و ربنا مش هيوفقق في التصحيح حتي لو كنت حالل كويس احسن حاجة نعمل اللي علينا و يجي زي ما يجي بقي دي حاجة بتاعة ربنا و لسة في علم الغيب و بالتوفيق للجميع  |
الله يسامحك
أنا هقولها تانى برضوا . انا قلت كلمه متفوق ديه علشان أوضح حاجه واحده بس . أنى مش طالب فاشل مش عارف أفرق فقط ! مش غرور ولا حاجه
الأنجليزى كان سهل ومفهوش أى حاجه . القطعه تعتمد على الفهم . مش معنى أنك مفهمتهاش ومصر كلها فهمتها يبقى أن الامتحان صعب ^^
مدرسين ؟ المدرسين رأيهم مش مقياس . ممكن مدرس فاشل مشرحش كويس ومشتغلش طول السنه يقول أمتحان صعب علشان يهدى طلابه . لكن المدرس اللى شغال هيقولك الأمتحان ضعيف جدا لا ترجمه ولا أختيار وميستيك صعبين. ربنا ملوش دعوه بشخصيه الواحد على فكره
لو واحد كافر بيعبد الشمس وذاكر طول السنه هينجح . ولو واحد بتاع ربنا ومذاكرش مش هينجح متقوليش ربنا مش هيوفقنى علشان كلمه قلتها ! ده قمه الغلط . صح ؟
صحيح كل حاجه فى علم الغيب . بس متقوليش أن مفيش حاجه أسمها توقع
أنا عملت الموضوع علشان أشجع الناس تشد حيلها
وتعرف أن الأمتحان مش هيجى سهل . الأمتحان هيجى تقيل وبينا وبينه أهه كام ساعه .
واللى خد موضوعى جد وشد حيله علشان الأمتحان هيعرف أد أيه لما قلت أنه هيبقى صعب صدقت فى الموضوع ده
عموما الله يسامحك لتانى مره
بالتوفيق