[أ/ سعيد موسى]

المشاركة الأصلية كتبت بواسطة mohamad fawzy

نتكلم بصراحة يا عم الازهرية
من الناحية النفسية معلم الازهر عنده شعور عميق بالدونية
حاسس ان معلم التربية والتعليم افضل منه
وانه مهمش
وانه تابع ليه فى كل شئ
فى المناهج والاداريات والفنيات والمرتبات
ودايما بيقارن نفسه بيه لكن للاسف المقارنة دايما مش فى صالحه
ــــــــــــــــــــــــــــــــــــــــــــــــــ ـــــــــــــــــ
المعلم الازهرى دايما ناقم وساخط ومش عاجبه حاله وعنده حق
المعلم الازهرى دايما محبط بسبب ادارته المتخلفة المغيبة وعنده حق
المعلم الازهرى مش حاسس بذاته وشايف الفساد بعينه ومش قادر يتكلم
ــــــــــــــــــــــــــــــــــــــــــــــــــ ـــــــــــــــــ
كل اللى فات مقدمات، نيجى للنتائج هنلاقى المعلم الازهرى بسبب كل اللى فات:
معندوش ثقة فى ادارته
معندوش امل فى مستقبل افضل
وبالتالى مفيش قدامه غير النقد وميقدرش (غصب عنه) يقول كلمة حلوة
السلبيات الكبيرة بتخليه دايما شايف اى حاجة كارثة حتى لو مش مستاهلة
لو خطأ ادارى عابر وعادى بيشوفه مهزلة كبرى
ولو شئ كويس مش بيشوفه او بيعمل نفسه مش شايفه لانه قرفان اصلا
ولو رجعنا بالزمن لورا لما الطيب تولى مشيخة الازهر هنلاقى ظاهرة عجيبة
الناس اصبحت متفائلة بالطيب بسبب سنه ووعوده ومنحه والكل كان متفائل بشدة
ومع الوقت عاد كل شئ بالتدريج زى ما كان ايام طنطاوى ويمكن اسوء
وده عمل انتكاسة نفسية شديدة لكل معلم، ليه؟
لانه كان معشم نفسه خير وبيحلم بوضع افضل
ولما بص لقى كل شئ زى ما هو ويمكن اسوء اصابه احباط وخيبة امل كبيرة
ــــــــــــــــــــــــــــــــــــــــــــــــــ ــــــــــــــــــــ
المعلم الازهرى طيب وغلبان ومهاود لكن الطيب مبيفضلش طول عمره طيب
وادينا شوفنا الشعب المصرى لما غلب حماره عمل ثورة وحط كبيره فى طره
والسؤال هنا:
لحد امتى هيفضل النقد ومصمصة الشفايف هى الحيلة الوحيدة لمعلم الازهر؟
وهل هيفضل ينقد وينقد وبس ولا هيتحرك ويثور ويغير بايده؟
مع العلم بوجود معلمين كتير فاسدين لكن ده لا يقلل من الاغلبية الصالحة
ــــــــــــــــــــــــــــــــــــــــــــــــــ ــــــــــــــــــــ
قلبت دماغك يا عم سعيد
ويمكن تقول فى نفسك انا ايه اللى خلانى اعمل الموضوع ده اصلا
لكن انا بفكر معاك والشئ اللى متاكد منه انه مفيش فايدة
اعذرنى يا كبير بس انا فعلا شايف انه مفيش فايدة، والا ما الدليل لو حضرتك شايف العكس؟؟؟؟؟؟

لو وصل اليأس الى هذا الحد اتفق معك مفيش فايدة
لكنى عندى امل فى ربنا وفى شباب زى الورد اراهم يوميا فى معهدى يبذلون اقصى ماعندهم
لتعليم جيل جديد اليوم طلبت من اثنين منهم الحضور الى المعهد لتجهيز امتحانات الدور الثانى
جلسنا من الساعه التاسعه ص حتى الرابعه عصرا مع ملاحظة ان الابتدائى حاليا فى فترة سبات
لم يطلب اى منهم الانصراف بل العكس طلبوا منى الانصراف لمعرفتهم بعملى بعد المعهد
شباب على معرفة تامه بكل تكنولوجيا العصر اتفقنا سويا على بذل اقصى جهد مع منع الغش فى المعهد
عموما انا ارى انه هناك امل اذا بدأ كل واحد بنفسه ومن هنا ارى الحياه بمنظور مختلف عنك
بينما انت ترى ماحولك من فساد وووووو واستسلام للامر الواقع
صدقنى لو نظرت الامر بمنظور مختلف سوف تجد هناك ايجابيات حتى لو كانت قليلة بجوار السلبيات
وعليك محاربة السلبيات حتى بالدعاء الى الله ان يرفع مقته وغضبه عنا