[Єlkatkota Єmy]

المشاركة الأصلية كتبت بواسطة nourhan_nono

انا راحة اولى ثانوى


وانا رايحه الكلية

طب عايزة اسأل هو هيمشى عليكم النظام الجديد دة ؟؟؟؟

ده كله سؤال ؟؟ رغاية اوي يا نورا


ولا اللى زى حالتى بس ؟؟؟؟

النظام ده علي الي داخلين تانية والي زي حالاتك


طيب معلشى انا عايزة اسأله شوية اساله كدة
هى اولى دى اية اكثر مادة تقيلة ؟؟؟؟؟؟


بلاش تسألي الاسئلة دي علشان متاخديش خبرة مش كويسة عن مادة معينة

كل المواد جميلة جدااااااا في اولي

ولو عايزه تنكدي علي نفسك بقي يبقي فيزيا سنة اولي رخمة شوية والتاريخ والجغرافيا

وده ممكن يختلف من طالب لطالب

انا عن نفسي بكره التاريخ والجغرافيا والتاريخ ده ناجحة فيه بالعافية وفي نفس الوقت في ناس مقفلاه وبسهولة جدااااا

ذاكري وسيبي الباقي علي ربنا
سواء بقى فى الحفظ او الفهم ؟؟
انا راحة اولى ثانوى بس من اللى سمعته على الثانوية قلقانة اووووووى
و عايزة اطمن على نفسى من دلوقتى
و حاسة انى مدايقة اوى لانى اول مرة ابقى راحة كدة المدرسة
و مش عارفة اى حاجة فى اى حاجة حتى فكرت قبل ما الدراسة تبتدى اقعد اذاكر مع نفسى شوية
انا خايفة اووووى تكون فى مادة تقيلة و كبيرة زى الدراسات كدة بتاعت 3 اعدادى ضايعتنى جاااامد
و خالتنى كرهت الدراسات بعد ما كنت بحبها


لا حبيبتي والله الثانوية سهلة جداااااااا

ومفيش حاجة رخمة

كل الحكاية انك محتاجة تذاكري (أول بأول )

وطبعا أهم حاجة توفيق ربنا


انا عارفة انى سنة اولى هدرس كل مواد علمى و كل مواد ادبى
بس نفسى اعرف اية المواد اللى هدرسها الترم الاول و اية المواد اللى هدرسها الترم التانى
و سمعت انه على حسب المدرسة هى اللى بتختار

دي علي حسب اسمك

يعني انا ايام ما كنت في سنة اولي

الله يرحمها دي ايام بقي

كان من اول حرف الالف لحد حرف السين بياخدوا كيميا واحياء وتاريخ في الترم الاول
وفيزيا وجغرافيا في الترم التاني
والناس الي من اول حرف السين لحد الآخر كانوا بيبقوا عكسنا

فـ استني لان المدرسة هي الي بتحدد

طيب انتم خدته اية فى الاول ؟؟؟؟؟


انا مش فاكره والله

وفي الترم التاني
انا اخدت في الترم الاول
طيب اختار فرنساوى ولا اية ؟؟؟


اه الفرنساوي جميل جدا

بس انا سمعت ان الالماني اسهل

انا كل الناس بتقولى اختارى فرنساوى لانى دى اكثر مادة هلقى فيها مدرسين كويسين
و محتارة برضو اخد دروس ولالا ؟؟؟

اه خدي دروس عادي
وخاصة في الفرنساوي او الالماني والانجلش علشان تتأسسي فيهم كويس

انا فكرت مادام هى سنه نقل اخد مجاميع او فى سنتر و اخلى الدروس فى 3 بس ؟؟؟؟؟

لو عرفتي تعتمدي علي المدرسة بس في سنة اولي يبقي تماااااام

فكك من الدروس

بس زي ما قولتلك في حاجات مينفعش فيها المدرسة بس
زي الفرنساوي والانجلش والعربي علشان النحو
انما بقية المواد مواد منتهية بمجرد انك تخلصي سنة اولي مش هترجعيلها تاني