المشكلة في حاجة بسيطة اوي
نظام التعليم و طريقة الامتحانات
الطبيعي في اي نظام تعليم محترم في العالم انه يعلم الطلبة تفهم الكلام و تفكر
و ميبقاش في اي بديل تاني للموضوع ده
الجديد في تعليمنا المصري انك لو حفظت من غير ما تفهم كلمة برضه هتجيب درجات و يمكن اعلي من اللي بيفهم
عشان كده تلاقي نسبة قليلة من الطلبة هما اللي بيفكروا و استفادوا بجد
و الباقي حفظوا و جابوا الدرجات اللي هما عايزينها بس الاستفادة صفرررررررررررررر
و الدليل علي كده مثلا امتحان رياضة 2 السنادي
الامتحان مكنش عايز واحد عقبري هو بس كان عايز واحد فاهم المنهج بالذات الميكانيكا
للاسف 90% من الطلبة لو ملاقيتش مساله زي حاجة واخدها قبل كده متعرفش تحل
و بكده يبقي في غلطة !! لان مش ده الوضع الطبيعي
انا اختي علي فكرة معيدة في صيدلة القاهرة
بتقول ان مستوي الطلاب اللي بيجوا كل سنة لاولي جامعة اقل من السنة اللي قبلها
و انهم بيبقوا حافظين مش فاهمين
و حط تحت الجملة اللي فاتت ديه الف خط
و خلي بالك صيدلة ديه كلية بتاخد من 96% و انت طالع
منظومة التعليم كلها لازم تتغير و تعلم الطالب من و هو صغير انه لازم يفكر و لازم يشغل دماغه
و ان الامتحان لازم يتوضع بطريقة ان الحفظ عمره ما يجيب النتيجة المطلوبة وحده لازم يبقي الطالب فاهم برضه
|