الموضوع: عايز تموت إزاي
عرض مشاركة واحدة
  #1  
قديم 23-05-2008, 03:23 AM
الصورة الرمزية befunny
befunny befunny غير متواجد حالياً
عضو مجتهد
 
تاريخ التسجيل: Mar 2008
العمر: 42
المشاركات: 103
معدل تقييم المستوى: 18
befunny is on a distinguished road
Icon114 عايز تموت إزاي

واحد سألني.. عايز تموت إزاي ؟
عاوز تموت شهيد
ياتركب طياره - ياتركب عباره
عاوز تموت م الجوع
.ياتشترى شقه - ياتشترى عربيه بالقسط
عاوز تموت م الحسره
ياتتفرج ع الفاترينات فى ستى ستارز - ياتروح زياره لمارينا
عاوز تموت م الغيظ
ياتتفرج ع القنوات المحليه - ياتتفرج ع النشره الجويه

عاوز تموت م الزهق
ياتستنى الأشاره لما تفتح - ياتستنى دورك فى الطابور فى التأمين الصحى
عاوز تموت م الهبل
يا تخش ع النت - ياتسمع نجوم الأف أم
عاوز تموت مخنوق
ياتروح مصلحه حكوميه - ياتقرا الجريده اليوميه
عاوز تموت مفروووس
ياتركب تاكسى - ياتركب دش
عاوز تموت مرعوووووب
ياتستنى نتيجه الثانويه العامه - ياتستنى نتيجه التحاليل عند الدكتور
عاوز تموت مشهور
ياتتجوز رقاصه - ياتنصب على بنك
عاوز تموت مليونير
ياتعمل فيديو كليب - ياتلعب كوره
عاوز تموت ورا الشمس
ياتشغل مخك - ياتفتح بؤك

عاوز تموت منكاد
ياترشح نفسك فى الأنتخابات - ياتخش ف أتفاقيه الجات

عاوز تموت م الحزن
ياتفكر دايما ف أحوالك - ياتحط الحكومه ف بالك

عاوز تموت م الضحك
ياتتجوز أتنين - ياتشتغل مع المجانين
عاوز تموت ف حالك
أعمل نفسك دايما....مش واخد بالك
__________________
قبل أن تقدم علي فعل المعصية إعلم أن الله يراك