بوابة الثانوية العامة المصرية - عرض مشاركة واحدة

ayoya32 · #6 10-07-2012, 02:10 AM

اقتباس:

المشاركة الأصلية كتبت بواسطة shereen ss

عجبني ردك اوى

بصي يا ستي الموضوع مش بالصعوبة الشنيعة اللى الناس بتصورها
الموضوع بسيط بس محتاج مجهود كبير و طموح عالي
حطي هدفك قدامك دايما
و خليكي مصرة تحققيه مهما حصل
أهم حاجة انك ماتأجليش المذاكرة أبداااااااااااااااا

اللى تاخديه ف الدرس تذاكريه قبل الحصة اللى بعدها

بلاش تخلي الموضوع يتراكم عشان هتندمي جدااااااااا على كده

اختاري مدرسين كويسين وسمعتهم كويسة تاخدي عندهم و بلاش تغيري ف المدرسين كتير عشان ماتتوهيش

ف اول السنة ماتضغطيش على نفسك جامد اوى عشان هتتخنقي ف الاخر
خليكي ف البدايات بتذاكري بمعدل 4 ساعات ف اليوم مثلا وشوية شوية زوديهم

انا كنت بوصل ف الاواخر ل ييجي 10 ساعات او اكتر ف اليوم

بس الموضوع مش بعدد الساعات على قد ما هو بتركيزك و قدرتك على الانجاز

خلي عندك ايمان انك تقدري تحققي اللى انتى عايزاه

وقربي من ربنا اوووووووووووى اهم حاجة الصلاة والقران

الكلية جميلة جدا هي صعبة بغباء طبعا بس بجد ممتعة اوى

ان شاء الله ربنا يوفقك وتدخليها

متشكره اوي يا دكتور