اقتباس:
المشاركة الأصلية كتبت بواسطة highlight
بصى...
بالنسبة لصيدلة و الفرق بينها و اسنان
صيدلة كلية نظيفة و مريحة جدا فى شغلها
وهى افضل للبنات
وفرص العمل فيها كتير و مش محتاجة مجهود او تعب نهائى
اما اسنان مفيش حاجة اسمها رشاوى
حياتك و بتبدئيها بنفسك بالطريق اللى يعجبك
اسنان اسهل بكتير جدا جدا من صيدلة
من ناحية الدراسة
والاتنين العملى فيهم صعب
احنا صيدلة و من اول سنة وعلى مدار ال 5 سنين
لازم تنزلى تتدربى فى صيدلية
لان ده هيسهل الدراسة عليكى اوى
واسنان مشكلتها الوحيدة انك محتاجة تفتحى عيادة(يعنى لو تحبى و دا الاريح)
بس مكلفة جدا جدا المعدات و الاجهزة والادوات
اما لو اشتغلتى فى مستشفى ... انصحك بمستشفى خاصة
ولو اشتغلتى مع دكتور .... مش هيكون مرتبك عالى للاسف
بالنسبة لفتح صيدلية
مش هتحتاجى غير تمن المكان والديكور و كده
اما الادوية بقى ممكن تشتريها كلها وتدفعى بالتقسيط للشركة
وبالنسبة لصيدلة اكلينيكال
هى مكلفة بحوالى 10.000 فى السنة
وكمان للاسف ملهاش شغل كتير فى مصر
دى كل معلوماتى يا رب اكون افدتك
وربنا يوفقك 
|
الله يبارك فيك...أكيد حضرتك أفدتنى بس انا عندى استفسار هو يعنى صيدلة كلينيكال زى نظام الcredit يعنى مش تعليم مجانى ولا ده نظام بيدفع فيه فلوس و بياخدوا مواد تانية...و ثانيا يعنى دراسة صيدلة صعبة؟؟ كلها صعب ولا ايه..انا بحب عن نفسى الbio w chemi هل هى مقتصرة على المجالات ديه بتوسع و لا فيه مجالات اخرى...معلش هتعب حضرتك معايا