امشى على الخطوات دى وان شاء الله تحقق كل اللى بتحلم بيه
1- من دلوقتى تبدأ تحفظ اكبر عدد ممكن من كلمات الانجليزى يعنى اعتبر ان شهر 9 ده عندك امتحان انجليزى يبقى هاات اى مصدر فيه كلمات انجليزى واحفظ كتير متقليش 5 ولا 10 فى اليوم
لااااااا اقعد بال5 ساعات احفظ فى كلمات قدام التلفزيون ولا وانت فاضى باليل كده فى البلاكونه وعيش مع نفسك
2-لازم تأسس نفسك قوى من دلوقتى بردوا فى النحو ذاكر القديم كله وحل كتييييير وحاول تذاكر الجديد
مع بدايه الدراسه
1-اوعى تسمع كلام اى واحد يقولك انت فى 1 ومتذاكرش
هتندم صدقنى هتندم
المتفوق بيبقى طول عمره متفوق فى اى سنه دراسية
اولا تشيل الكمبيوتر وسيبك من التلفزيون
وذاكر بجد كتيير اوى...
اهم حاجة تذاكر كتيير على قد ما تقدر
طيب ليه؟؟
علشان لما تروح 3 تبقى متعود على المذاكرة الكتييييييييييييييييييييييير
ذاكر كله كله مذاكرة جامده جدااا اعتبر نفسك فى شهادة علشان لما تنقص تبقى تزعل وكأنك فى 3 ثانوى
2 ثانوى بردوو اعتبرها شهاااده وذاكر فيها كتير كتير علشان لما تنقص تزعل وتقول ياريتنى كنت ذاكرت اكتر
تييجى بقى فى 3 تبقى اخدت خبرة جامده وهتبقى عندك ثقة بالنفس كبيرة ومتعود على المذاكرة الكتيرة
تعالى بقى اقلك على حاجة فى ودنك
اهم حاجة متقلش امتى هخلص بقى
اوعى تفكر فى العبارة دى
بص بقى العبارة دى ومتقلهاااش لحد
خدلك كده معاك فى المدرسة ولا الدرس
ولد او بنت كده
حطهم فى دماغك وغير منهم جامد
واعتبر ان دى حرب بينك وبينهم
(( البنت مفعولها بيبقى اكتر ))
بس كده
واهم شىء متتكلمش مع حد عن المذاكرة
واحذر العين
ومتقلش اسأل الناس اذاكر ازاى وانظم ازاى
لا انت مش صغير
انت المفروض تنصح الناس وتقلهم مش تاخد منهم نصايح
وخلى ربنا قدامك فى كل حاجة بتعملها
وبالتوفيق