و عليكم السلام و رحمة الله و بركاته
أولاً بالنسبة لحفظ القرآن أنا رأيي إنك تحفظيه مع أي حد لإنك لو قلتي هاتحفظيه مع نفسك مش هتلتزمي نفس الالتزام لو مع حد
ثانياً اللغات و الكمبيوتر فيه مواقع على النت هتساعدك على إنك تتعلمي لغة كويس و الكمبيوتر ممكن تاخدي icdl و على فكرة مش هتاخد منك وقت كتير و لو مش هينفع فيه برضو مواقع ممكن تعلمك و انتي ابحثس عن أي حاجة عايزاها على جوجل
ثالثاً العلم الشرعي ممكن تبدأي بالتفسير و الحديث بالنسبة للتفسير ممكن تاخديه مع حفظ القرآن فكدة هيكون أسهل بإذن الله
رابعاً كتب التنمية البشرية بتاعة تنظيم الوقت فيه كتاب اسمه نظم وقتك في ستين ثانية و دة لينك التحميل
http://www.4shared.com/office/8i6g56cE/___60_.html بس أنا شايفة إنك ممكن تنظمي وقتك بإنك تكتبي أهدافك اليومية كل يوم الصبح و تحاولي تنجزي على قد ما تقدري و تحاولي ما تضيعيش وقت بس . و كل ما تحسي إنك بتضيعي وقت افتكري إن ربنا هيسألك عن كل ثانية عملتي فيها إيه و كل ما تنجزي كتير كافئي نفسك بأي حاجة
و لو فيه أي حاجة ما وضحتهاش كويس اتفضلي اسألي عادي
