مميزات نظام الثانوية العامه الجديد
بسم الله الرحمن الرحيم
- انا لاحظت ان الكل مخنوق ومرعوب ومتضايق من النظام الجديد مع انكم لو ركزتوا شويه هتلاقوه انه افضل وبعدين الشاطر شاطر زى ما بيقولوا يعنى الى شاطر في النظام القديم هو الى هيبقي شاطر في النظام الجديد وفي اى نظام
طب يعنى ايه شاطر الى ااقصدها ؟
1- بينظم وقته
2-محدد هدفه من كل ماده بيدرسها وبيشتغل المواد بحب
3-بيذاكر اول بأول وبيهتم بالتطبيق
4- وبيراجع بصفه دوريه والتكرار يعلم الشطار
-وعلى فكره النظام الجديد ده مميز .
لان :- المنهج هيتقسم اولا على سنتين
1-سنه :- الى يجيب درجات النجاح يعدى
ودى فيها( فرصه) ليك كاختبار تشوف انت هتنظم نفسك ازاى ووقتك يعنى تشوف ازاى هتمشي الخطه الى مكتوبه فوق (انك تبقي شاطر )ولو هدرت درجات فيها نتيجه عدم قدرتك على التنظيم عادى
اولا:-
بالبلدى :- مش هتاخد الصدمه علاطول في فرصه انك تهدر درجات على عكس النظام القديم اول مرحله كنت بتدخلها كانت المرحله الاولى ولو منظمتش وقتك وممشتش صح تتخصم منك درجات تتحسب عليك وتاخد من مستقبلك
ثانيا:-
هتعتبر السنه الاولى تجربه بتخوضها تشوف ايه مميزاتك تحسنها ايه عيوبك تقلل منها في المذاكره تمهيدا للسنه الجايه (الى هيا الثانويه العامه )
ثالثا :-
انت بتقول هيبقي عندى وعندى وعندى ..... تعالى هنا بقي :-
المواد هتتقسم يعنى محتوى كل ماده كناحيه فهم هيبقي خفيف عليك ولذيذ هتاخده براحتك سنه وهتكمل السنه الى بعدها يبقي استعيابك للماده قوى
على عكس النظام القديم :- بتاخد 15 فصل فيزياء في سنه واحده المعلومات تتدخل في بعضها اما شاء الله والدماغ تسيح
يعنى بالبلدى :- النظام الجديد مميزاته لو تعاملت مع كل ماده هتلاقيه بيتيح ليك انك تدرسها على سنتين وبكده هتدرسها براحه وبدون قلق واستيعابك ليها هيكون افضل
وال سنه الثانية (الى هيا الثانويه العامه) :- بعد ما تكون اخدت الخبرات من السنه الى قبلها وعرفت ازاى هتنظم نفسك ووقتك وعرفت طبيعه كل ماده هتحتاج وقت قد ايه وايه الى هتستفيده منها
(وده لانك في السنه دى هتتعامل مع النص التانى من المواد الى انت درستها في السنه الى فاتت )
وانشاء الله هتمشي كويس في الثانويه العامه وهتكون كمان عرفت مفاتيح كل ماده من خبرتك السنه الى قبلها لان هيا هيا نفسها المواد بس هتاخد نصها التانى
على عكس النظام القديم :- بتاخد في ثانيه مثلا صدمه الكيمياء 9 فصول
وفي 3 صدمه الفيزياء بدون ما تكون اخدت فكره مسبقه عنها كما يجب
وما تقوليش اصل 1 ثانوى تبقي اخدت فكره عن الفيزياء وعرفت ازاى هتنظم وقتك فيزياء ثانويه عامه مختلفه جدا وعاوزة نظام تانى
واخيرا
انشاء الله سهله والنظام ده جميل جدا مش بكتره المواد والهى ياجماعه
المحتوى صعوبته هتتوزع وده في مصلحتكم
دا رائى ولا ايه ؟؟؟؟؟؟؟؟؟؟؟؟؟
|