.
.
.
هقــول من تـــانى
لـ / محمد جلال
15/7/2012
بتقول لى .. بترتب أفكارها !
وأنا كمان.. برتب أوراقي وأفكارى
هرص كل كلمة فى مكانها
وارسم لكل حد .. مييييت حد
واحط كلامى فى جوف جوفى ..واتسد
وهشترى بسمة اترسم بيها ..واتهد
.....
آه يادنيا ماشيه بالشقلوب
وإن مشيت انت معدول.. تديك بالمركوب
هو احنا في سيرك؟
ولا احنا منغير جوف؟
آآآآآآآه يادنيا ماليها الخوف
........
يعنى ايه الحب فيها؟ .. دِلّونى!
ولا فى قرار بير دًلّونى وسيبونى!
يمكن أعرف لسؤالى جواب
وإن راحت روحى
وطارت فيها رقاب
...........
ايه اللى بيجرى يا ناس
بقى سهل القلوب تنداس؟؟!!
حد يوعينى..
حد يدرينى...
حدش يرسينى.. علي أساس؟
......
طب أنا الأساس
وأناه .. أمير كل الناس
وعمرى ما احط على لسانى.. ترباس
.....
هقول لها من تانى..
انت اللى ساكنه .. وجدانى
وان هواكى للنار.. نادانى
هحط الطين على.. ودانى
واقول ..واعيد.. تانى.. وتانى
.......
شكرا لمروركم الطيب
.
.
.
.