بص أنا الحمدلله قفلت الأحياء
هاتجيب
الامتحان شرح و أسئلة
و مراجعة نهائية لإنه جايب كل امتحانات السنين الى فاتت و دول لازم تحلهم كتابة علشان تعود نفسك على وقت معين تخلص فى الامتحان .. امتحان آخر السنة هاتكتب فيه لحد ما إيدك تتكسر و 3 ساعات قليل جداااااااااااااااااااااااااااااااااااااااااااااااا ااااااااااااااااااااااااااااااااً على ورقة الأسئلة .. فلازم تعود نفسك تخلصه مثلاً فى ساعتين .. أو بالميت ساعتين و نصف علشان تلحق تراجع و لو حتى نصف ساعة
أسئلته هى الأسئلة العادية الى بتبقى موجودة فى كل كتاب .. علشان تتعود على العادى .. الصعب بيقولوا النفيس مع إنى مالقيتوش فى المنصورة فمقدرش أساعدك فيه
الكتاب السامى ماعرفش بينزل عربى ولا لا .. جيبته إنجليزى و في كمية أسئلة رهيبة و بعض الأسئلة الجميلة فعلاً .. حالل كل الأسئلة بس إجاباته مش موثوق فيها أوى برضة .. هاتلاقيه بيرغى فى حاجات مالهاش لازمة
دليييييييييييييييييييييييييل التقويييييييييييييييييييم افضل كتاب للحل .. فى أسئلة مستويات عالية بس برضة في حاجات من برة المنهج .. علشان كدة لازم تحله مع المدرس ... أسئلة الاختيار من متعدد فيه مهمة جداً جداً جداً .. و كتاب المدرسة حل بس الأسئلة القليلة الى بعد كل فصل .. مهمة جداً
المراجعة بقى أنا راجعت مع المدرس على خمس أسابيع
كنا كل أسبوع بناخد فصلين ثلاثة و نحل عليهم أسئلة كتاب المدرسة و أسئلة السنين السابقة و دليل التقويم
و بعدين نييجى نسأله فى أى سؤال صعب أو مش مفهوم
قسملنا المنهج بالشكل دة :
التكاثر
وراثة و DNA
تغذية و إخراج
إحساس و هرمونات
نقل و تنفس و دعامة
و بعدين راجعنا المنهج تانى فى أسبوعين ( المنهج اتقسم نصين .. نص لحد الفصل السابع .. و النص تانى ما بعد الفصل السابع )
و كل يوم جمعة من كل أسبوع كنا بنمتحن على الحاجات المفروض اتراجعت فى الأسبوع دة حسب الجدول
جينا على شهر 5 عمل أربع امتحانات شاملة كل يوم جمعة و قفلنا خلاص
فانت يفضل تاخد مع مدرس بيعرف يعمل جدول مراجعة و منظم
و حتى لو هاتراجع لوحدك اعمل لنفسك انت جدول يظبط أمورك لإن انت بس الى تعرف تعمله
لازم تراجع على المادة كلها أول بأول
يعنى تخلص الفصل الأول .. طبعاً انت بتاخده على أجزاء
نفترض مثلاً إنك بتاخد درس أحد و أربعاء
و انت خدت جزء من منتصف الفصل الأول كدة يوم الاحد
تذاكره كويس جداً يوم الأحد علشان تثبت الشرح
تراجعه تانى يوم الأثنين و هى دى مذاكرة الحفظ
و يوم الثلاثاء تبدأ الفصل الاول كله من الأول لحد ما انت واقف
دة هايثبتلك المعلومة جاااااااااامد
و طول ما انت ماشى فى الدروس لالالالالالالالالالالالالالالالالالالالازم تبقى ماسك الجديد و معاك فصل من القديم تراجع عليه
و على حسب وقتك بقى أية الفصل الى هاتراجع عليه كل يوم .. أصغر الفصول الـ 3 و 4 و 6 و 7
و لازم تحل كتابة زى ما قلتلك علشان تضمن إنها تثبت
على شهر 4 كدة لازم تراجع على المنهج كله كل أسبوع من شهري 4 و 5
و كدة تكون راجعت عليه مثلاً 8 مرات .. فلللللللللللللللللل .. تخش الامتحان و انت مستريح
بخصوص بقى الحفظ الصم دة
فانت لازم تحفظ طبعاً
و لازم كل حرف فى الكتاب يكون فى دماغك من الآخر
بس مش لازم صم صم صم بنفس أسلوب كتاب المدرسة
ممكن تغير فى الأسلوب .. عادى جداً .. أنا مدرسى كان دائماً
بس أهم حاجة
تكتب كللللللللللللل الى فى الكتاب
و ماتختصرش حاجة علشان الى بيختصر بينقص
سؤال مثلاً زى بتاع " اكتب نبذة مختصرة عن "
دة لازم تكتب فيه كل حاجة انت عارفها عن الى هو عايزه .. لإن كل حاجة فى المنهج تعتبر نبذة مختصرة
و تكتب بمعلومات علمية صحيحة علشان ممكن لو غيرت فى الأسلوب مثلاً تبوظ معلومة علمية أو تنسى حاجة .. طبيعى تنقص بعدها
أهم حاجة كله يتكتب
و ماتسيبش حرف فى الكتاب من غير ما تركز عليه
الكتاب كله مهم
و كل حرف فى الكتاب ممكن يجيبلك عليه أسئلة
و لازم تفهم طبعاً انت بتحفظ أية
لإن المادة مش حفظ بس
في أسئلة كتيرررررررررررررررررررررررررررررررررر محتاجة فهم و استنتاج و تحليل
و كل سنة لازم يضرب سؤال جديد للتفكير .. طبيعى تلاقى الى بيحفظوا و خلاص بينقصوا و يضيعوا
دة غير إنك لو فاهم و نسيت مثلاً سطر و لا حاجة
فهمك هاينقذك .. تقدر تلحق نفسك و تجيب نفس السطر بس بأسلوبك
المهم بس ماتفوتش حرف فى الكتاب
و بص بقى أنا مش عايزك تاخد فكرة سيئة عن المادة .. أول فصل أرخم فصل .. و خاصة جزئية النبات فيه مملة جدااااااااااً .. مع أول جزء كمان من الفصل الثانى برضة ممل جدااااااااااااً لحد أول الدورة الدموية
بس ماتتقفلش من المادة لإن الى بعد كدة كل الفصول لذيذة و ممتعة و هاتستمتع بيها .. باستثناء آخر جزئية فى المنهج برضة بتاعت الهندسة الورثية
يعنى أولها رخم و آخرها إلى حد ما رخم
أكثر الأجزاء الى فيها لعب فى المنهج و أسئلة تفكير
الدورة الدموية
حسابات الـ atp
الإحساس
التكاثر
الوراثة
DNA
الرسومات مش لازم تبقى الرسمة تحفة لإن مدرسى كان بيرسم أسوء منى
المهم الرسمة تكون علمياً صحيحة
و كل البيانات عليها من الآخر و كلها سليمة و بتشاور على الأجزاء المطلوبة من الرسم
ياما ناس رسمت رسومات تحفة و نقصت عليه درجتين ثلاثة
الرسمة المفروض حفظ بس انت بتحفظها من غير أى تعب
أول مرة تذاكر الفصل انقل الرسومات فى ورقة خارجية
المرة الثانية حاول ترسمها لوحدك و شوف اية الى وقع منك على الرسم و صلحه .. طبعاً لازم حاجات هاتقع
المرة الثالثة خلاص الرسمة هاتكون اتحفرت فى دماغك من الآخر .. أو ممكن على المرة الرابعة بالكتير
و مهم جداً جداً جداً
ماتفوتش أى رسمة فى الكتاب
أى رسمة فى الكتاب احفففففففففففففففففففظها
حتى الرسومات البشعة زى تركيب الورقة و تركيب الساق .. ..رسومات الهيكل العظمى .. كله حفظ
و ماتصدقش أى حد يقولك مابتجيش فى الامتحانات ولا الكلام اللذيذ دة .. حتى لو كان مدرسك نفسك
كل الرسومات عليك و مطلوبة منك .. و انت ماتضمنش الظروف .. لو جاتلك رسمة منهم فى الامتحان ماتقدرش تعترض و محدش هايفيدك بحاجة لإنها مكتوب فى الكتاب ولا خطأ على واضع الامتحان
يلا و ربنا يوفقك .. المادة لذيذة و عايزة حب و هاتمشى فيها كويس إن شاء الله .. بس ماتعديش يوم من غير ماتذاكرها هى و الفيزياء