[رايه الاسلام]

السلام عليكم ورحمة الله وبركاته
انا داخلة تالتة ثانوى وجبت فى تانية والحمد لله 203 طبعا مجموعى عاجبنى والحمد لله بس المشكلة فى العربى
انا جاوبت امتحان العربى كله الاجبارى والاختيارى وراجعت من نموذج الاجابة وفى الرسالة كتبتها مظبوطة بالعناصر بتاعتها والتعبير كاتبت حوالى 3صفحات ونص من غير ماسيب سطر وبدأت الموضوع بحوالى 6 عناصر وفيه استشهادات وعاملة علامات الترقيم
يعنى من الاخر كنت اتوقع 29,5 او بالكتير 29 اتفجأت انى جايبة 28 عربى ازاى؟ ده معناه انى ناقصة فى الورقة 4 درجات انا لو قلت يعنىافرض المصحح لقى موضوع التعبير بتاعى مدخلش مزاجه مع انى كاتباه بخط كويس جدا فهينقصنى بالكتير درجتين يبقى الاتنين التانيين راحوا فين
انا بابا مدرس لغة عربية بس صحح تالتة ثانوى وكان بيقولة اقل حاجة ممكن تنقصها فىالتعبير درجتين وبيبقى موضوع اى كلام يعنى علشان مصلحة الطالب
طبعا انا قدمت تظلم ومستنيا الميعاد بس عاوزاكم تطمنونى هل ممكن يكون الغلط فى الجمع ولا فى التصحيح ولو فى التصحيح ممكن يتعاد الجزئية المعينة على حسب كلام الوزير
انا مش ناقصة غير فى العربى يعنى حرام والله درجتين بحالهم فى مادة واحدة زى العربى
معلش طولت عليكم والف مبروووك لكل اللى هنا