اقتباس:
المشاركة الأصلية كتبت بواسطة sad nono
موضوع قيم وجميل جداااا لكن فعلا مفيش مجال
افكر في اخطائي وازاي اصلحها بشكل صافي وسط القلق اللي انا فيه
والله انا حاسة اني بموت في الثانية الف مرة وانا مستنية النتيجة ...
اكيد كان فيه اخطاء كتير اوي منها اني تابعت بغزاااااااااارة الاحداث السياسية اللي كانت على الساحة
وكنت بتدخل في مناقشات كتير بس دا كان غصب عني اي حد مصري بيحب بلده
كان لازم يعتبر نفسه جزء من الاحداث دي وللاسف اللي عاملين الامتحانات لم يراعوا النقطة دي
احنا فعلا كنا في نزااع بين المذاكرة والمراجعة زي سوسو ما قالت وبين متابعة الاخبار واالانتخابات ..
دي اول حاجة .. تاني حاجة ممكن اني عملت جداول كتير جداول طويلة المدى ممكن توصل لشهر مثلا
ودا خطأ كبيير جدا لان الظروف اللي بكتب فيها الجدول مش بتبقا نفس الظروف بعد كام يوم فما بالك لغايت آخر الشهر ؟؟ دا كان دايما بيحسسني بالتقصير والفشل الذرييييييع واني مش هقدر اعمل حااااجة ...
تالت حاجة هي اني مقدرتش اتغلب على " الملل " اللي تسلل جوايا مع بداية شهر 4 .. وبالتالي ضيعت وقت كتير ..
رابع حاجة اني مكنتش بلتزم اوي في حضور الدروس بداية من آخر شهر 4 كدا مكنتش بروح بانتظام ومكنتش ماشية في مراجعتي مع المدرسين من اول 5 انفردت بمذاكرة فردية بتنظيمي انا ودا كان فيه جانب كويس وجانب يعني ممكن يكون خلاني اقصر في حاجات كتير ...
لكن في المجمل ربنا يشهد اني بجد تعبت اوي السنادي ... وربنا يوفقنا كلنا ان شاء الله ..
|
كلامك جميل و منظم يا نونو بجد
نناقش نقطة نقطة ..
موضوع المناقشات السياسية دا ان شاء الله السنادى هايتحسن لان الاحداث قلت و بقى فى رئيس و الحمد لله الاوضاع الى حد ما استقرت
و موضوع الجداول دا انا اراه انه فعلا مهم جدا لكن انا كنت بعمله قبل ما كنت ابدا مذاكرة على اساس مذاكرة اليوم بس او ممكن بالكتير اسبوع لكن شهر دا كتيييرة اوى .. حاولى تنظمى نفسك ف الجداول لان انا اراها مفيدة بجد
اما الملل دا خلي عندك صديق ينافسك و تنافسيه عارفة تحسى انها سحر بتخلي عندك حافز و تخليكى تذاكرى و تحبى الكتااب جداا عشان كدا انا بقول من الاول ان
اصدقاء السوء هما اساس كل بلوى بتحصل و الله
لكن موضوع الدروس دى و الغياب انا بالنسبة ليا الالتزام مهم جداا و ليه فوايد لكن لو كنتى شايفة انك عارفة مصلحتك كويس يبقى مافيهاش مشاكل
و اتمنى ليكى اجمل مجموع و ابقى طمنينا عليكى يا جمييل
