السلام عليكم
بصراحه يا اخي انا فرحان جدا جدا جدا
لاني اخيرا لقيت واحد بيدافع عن مبارك
تعرف ان في ناس في الحزب الوطني اصبحوا يكرهوه
مش هو ده الموضوع انا بطلب من حضرتك طلب بسيط جدا جدا
انك تعملنا موضوع برده عن تدهور مصر في عهد مبارك ويلا نقارن بين الاثنين
وخلي بالك البلد زي الفل
كل حاجه غاليها
الغاز بنصدره لحبيبنا واسيادنا اسرائيل
اسف يا جماعه اقصد حبايب حكومتنا واسياد حكومتنا اسرائيل وبنخصر فيه
جميل انجاز عظيم
بلد الامن والامان اصبح الناس بتموت عشان بجنيه عيش
وكمان اخونا ربنا يخليهم دولة الامارات تبرعوا لمصر بمليون طن من القمح عشان احنا مش عندنا
انجاز عظيم
والله انا بتعب يا اخي لما بتكلم كده
وخد كمان الخصخصه
والاراضي اللي ارتوت بدم الشهداء وفي نفس الوقت بتتباع للمستثمرين ب 150 المتر
انجاز عظيم
وغير انه رافع حالة الطوارئ لاء مش هتكلم في دي لاننا اخدنا عليها
بس برده انجاز عظيم
اه بالحق انا نسيت
امريكا مش حد يفكرني من مده بسيطه كان في سفينه امريكيه في البحر وتقريبا في اثنين اوثلاث شباب ماتوا لان السفينه ضربت عليهم نار ولا اي حد اتحرك
برده يا اخي فداهم مش كفايه المعونه
يووووه فكرتني بالمعونه والفلوس اللي بتتحوش لنا في سويسرا دي
انجاز اكثر من عظيم
بص ياغالي انا لو فضلت اكتب انجازات مش هخلص
وعلي رئي كريم ماضي (كركركوكو)
عشت ياريس شعبك فاضي ومش شغال يعني بطاله
وانت بترفع في الاسعار
برده انجاز عظيم
سلام عليكم