اقتباس:
المشاركة الأصلية كتبت بواسطة dr.nariman
السلام عليكم ورحمة الله وبركاته
اولا جزاكي الله خير على الطرح المفيد
بالنسبة لأخطائي
خطأ شنيع جدا بنصح الكل مايقعش فيه وانتا بتذاكر احياء اوعى تأجل الرسمات وتقول هذاكرها بعدين ، لا كل درس يتذاكر برسماته عشان متجيش اخر السنة تلاقي نفسك مش حافظ حاجة
ثانيا الاحياء عايزة حفظ اعمى لازم تحفظ على قد ماتقدر
في العربي اوعى يعدي درس عليك من غير ماتكون ذاكرته على الاقل 3 او 4 مرات
انا مثلا سبت درس اصالة القصة من صعوبته فتعبت ف مذاكرته ف الاخر جداااا
بجد انتا لو مزاكر الحاجة اكتر من مرة بتلاقي الموضوع سهل وانتا بتراجع
قصة العربي : من اول السنة حاول تلم نفسك فيها وتختارلك مصدر يزبط الدنيا والا هتتشتت ومفردات الكلمات لازم تذاكرها
اوعى درس يعدي من غير ماتكون ذاكرته دي نصيحة غالية جدااااااااا
في أي مادة أي حاجة هتاجل مذاكرتها اياك ثم اياك ثم اياك تسبها من غير ماتذاكرها
اللي اكتشتفته فعلا ان السنة دي تراكمية يعني معتمدة على مجهودك طول السنة
ثانيا متروحش الامتحان وانتا متوتر لان دا مش هيخليك تعرف تحل
نام على الاقل 6 ساعات والا هتعد تنام وانتا بتذاكر
الحمدلله ربنا كرمني وجبت 95.16% بس ربنا يشهد اني تعبت جامد والله بس الحمدلله على كل حال
|
الف الف الف مبرووووووووك ليكى يا دكتورة ان شاء الله
ان شاء الله اذا شديتى حيلك جاامد هاتلاقى الخير باذن الله و هاتدخلى اللى انتى عايزاه
طبعا كلامك مظبوط لان الحكمة اللى احنا سايبنها خالص دى و اللى بتقول
( لا تؤجل عمل االيوم الى الغد ) دى فعلا كلامها مظبوط و لازم نمشى عليه ف كل المواد لان احنا اذا نظمنا نفسنا كل مادة نيجى من الدرس نذاكرها و نحل عليها هانرتاح جدا جداااا اخر السنة و هانبقى متظبطين ع الاخر
و اتمنى ليكى التوفيق بجد يا ناريمان و نشوفك باذن الله اكبر دكتووورة 