[Ahmed Yousif Mohamed]

المشاركة الأصلية كتبت بواسطة jjordon

المثالى شرح .. و شرحه جمييل ..لكن الوسام اسئلة و مسائل و مراجعة نهائية ,, لو عايز المثالى هاته عشان الشرح فقط لأن اسئلته مش حلوة .. و خلى بالك المراجعة النهائية بتاعته زبالة الكتاب الكبير هو اللى حلو

لكن الوسام والله انا بنصح كل الناس بيه لأنه بجد ريحنى فى الفيزياء جامد و رفع مستوايا و نفسى كل الناس تجيبه عشان تضمن الفيزياء .. بص انا الحمد لله جبت 50 فيزياء و عارف بقلك اييه و هديك نبذة عن الكتاب ده

اولا المسائل كتاب الوسام الاصفر
..مسائل شاملة على كل فصل باجابتها النموذجية ..كله محلوول
امتحانين على كل باب و افكارهم قوية جدا ..
اسئلة اختيار من المتعدد على كل باب فيها افكار حلوة مش دش و خلاص ...

ثانيا الوسام الاحمر...
كل فصل مظبتهولك حلو ازاى بقى .. جايبلك اولا اسئلة ومسائل السنين السابقة و كتاب المدرسة بحيث متتكررش ..

بعد كدة 3 مجموعات a ,b,c مدرجة اسئلة و مسائل و ده فيها مسائل و اسئلة من دليل التقويم و اسئلة شاملة و للعلم مجموعة c اسئلة فنية و مسواها عالى بعد كدة يا سيدى بقى يجبلك 4 امتحانات على كل باب فيهم امتحان للطالب المتفوق عشان تقيس مستواك ..

الوسام مراجعة نهائية .. اولا مراجعة نهائية على وحدة وحدة

ثانيا اجابات ال 100 سؤال فى نهاية الكتاب المدرسى و ده مهمة جدا .. بعد كده بقى و ده احلى ما فى الكتاب 10 نماذج قوية جدا و لمة المنهج كله و الامتحان طويل و اسئلته كتير مش زى الامتحان العادى و اجابتهم النموذجية .. متجاوبين فى 40 صفحة يعنى هيلمولك المنهج كله كله و مفهومش ولا سؤال مكرر ..

بعد كده امتحانات الثانوية العامة و فى سودان و ازهر ..

يعنى بص والله ما فى احلى من كدة وانا مش هتعب نفسى كل ده غير لو بجد نفسى تستفيدوا منه زى منا استفدت الحمد لله ,, ولو عايز اى حاجة ممكن تقلى على الفيس موجود فى التوقيع عندى او هنا رسائل

الف شكر ليك