24-07-2012, 09:22 PM
|
|
نجم العطاء
|
|
تاريخ التسجيل: Apr 2010
المشاركات: 3,618
معدل تقييم المستوى: 19
|
|
السلام عليكم ورحمة الله وبركاته يا احلى اخوات
انهارده عملت كفته الفراخ وكنت من زمان قوى معملتهاش
هيه مفهاش تكات ولا حاجة بس هيه طلعت لذيذه قوى قلت اقولكم طريقتى فيها
المقادير
نص كيلو فراخ مفرومه وضفت لها(فرمت فى الكبه بصله مع بطاطسايه صغيره وفلفله خضره
وملح وفلفل وبهارات مشكله وفص ثوم)
وضفت لها كوب بقسماط مفروم وعجنتهم فى بعض
وصبعتها على اسياخ شيش وجبت صنيه الفرن ودهنتها زيت ورصتها فيهم
وكنت قبل ما اصبعهم مشغله الفرن على اعلى درجة من الشواية ومن تحت
ودخلتها فى الفرن وبظبط 25 دقيق كانت استوت واحمرت بلون كويس
وبس
يارب تعجبكم وتجربوها انا قلت المرة الجايه
هضيف لها كمان جزرايه مفرومه
وهى جميلة اوى فى رمضان هتبقى لذيذه وكويسه قوووووى فى العزومات
|