[Monier]

يا شهيد قولنا بتعمل ايه فى الجنة!؟؟

قولنا نسأل شهيدنا ع الجنة وما فيها
قال لا يوجد ما فى الكون ما يساويها
دا كفاية بس ان ربنا حاميها
لا تقولى معسكر ولا حكومة توازيها

طيب يا شهيد مالك غضبان
شكلك حزين مش فرحان
بص لى وقالى ع البلد انا زعلان
فىين حقى وحق الغلبان
فى اللى هتفنا بيه فى الميدان
بعتوا دمى اللى فى كل مكان

معلش يا شهيد اصل اللى مسك البلد جبان
خايف يقول لا للعسكر ليتهان
او هى لعبة وخايف لتبان
او ممكن بيخطط ومستنى الاوان
صدقنى ياشهيد شعبك قرفان

مانا عارف وشايف ومتابع كل اللى بيحصل
دانا ساكت ومستنى امر ربنا ينزل
بس غيروا من نفسكوا الاول قبل ماتحكم

ادعيلنا يا شهيد وانت فى الجنة
يصبرنا ربنا ونقدر نستنه
نشوف البلد دى وهى بتتهنه
ونفرح بخير ربنا اللى جالنا
ويجى اليوم اللى نحصلك ع الجنة