[To Be Is To Do]

المهم دخلت إمتحان العربى وواجهت أسئله كتير مش عارفها المهم حليت ع قد م أقدر وطلعت ولما راجعت إكتشفت إن مذاكره سنه كامله عربى ضاعت فشوش المهم قلت مش حراجع تانى بعد أى إمتحان وتوالت الإمتحانات وجاء يوم الميكانيكا ف إذا بإغماء من حولى فى اللجنه والبعض الآخر ساب اللجنه وطلع وكلنا طلعنا من الإمتحان ع وجوهنا علامه إستفهام مش عارفين ليه ، واضع الإمتحان لعب معانا ف الوقت جامد السنادى المهم عدا إمتحان ورا إمتحان إلى أن جاء إمتحان المستوى وحليت فيه كويس جدا وفرحت بعده لسببين : من ناحيه حاخد فيه درجات ترفع المجموع ، ومن ناحيه آخرى خلصت من كابوس مزمن دام سنتين ، وجت الأجازه وعرضت عليا فكره ونفذتها وهى " المفاجأه "فرحت جدا لما عملتها حسيت إنى سبت ذكرى حلوه لمعظم الأعضاء وجاء يوم النتيجه الذى أختلف صداه من بيت ل بيت من بيوت الثانويه العامه ، ف إذا بزغروته من الحاجه تدخل أذنى ولم تخرج حتى الآن وكان أسعد يوم قضيناه فى حياتنا وفرحنا كلنا لأنى حققت أمل أسرتى فيا ، أما حلمى أنا ف ما زال تحت رحمه التنسيق غدا و ما زلت أنتظر ....

تمت بحمد الله تعالى

خالد أحمد