[مـــــلك]

لما فتحت في عنيا
لقيت في ناس كتير حوليا
امي نازله تهز فيا
دموع كتيره ماليه البيت
اقول فيه ايه
مافيش حد ليه بيرد
ألاقي ملاكـ يكلمني يقولي خلاص
خلاص موتي
وحاسه بوجعكـ ياامي
وشايفه الحزن بيقطع في والدي
واخواتي دموعهم غرقتني
وناس كتيركتير حواليا
دموع صادقه في نزولها على غيبتي
وناس تانيه بتوجب مع أمي
ومش عارفه انا أصدق
دانا قومت حضنت أخواتي
وأبويا وأمي قدامي
طب أزاي موت ؟!
وكان نفسي اقول ليهم أنا اسفه
وكان نفسي أقول ليهم أنا اسفه
واقول لحبيبي
متنساش تزور قبري
وملحقتش
ونازله أزعق بكلامي وأقول ليهم ماتنسونيش
وقولو ليه يجي يزورني
وأزعق أكتر بعلو الصوت قدامهم
لكن ياربي مين يسمع
نسيت أني خلاص أنا روحت