كتب الابن الفاضل أسامة
اقتباس:
بص انا هاقولك حاجة خدها كلمة منى وافهمها
الثانوية العامة لعب عيال بالنسبة للهندسة معنى انك مجبتش مجموع ف الثانوية انسى انك تفلح ف هندسة وحتى لو عديت بالفلوس مش هتبقى ناجح ف الشغل نصيحة منى بلاش خاصة عشان كدة هتظلم نفسك واهلك
|
وأقول له
بداية أتفق مع كلامك تماماً ولكن منها لله النقابة والتعليم العالي اللي خلوا الهندسة قاطرة التنمية في اي مجتمع تقبل من 70% !!!!
لكن نحن الان امام أمر واقع!!!
فلا تحكم على الامور بالمقاييس العلمية
أنت في مصر ومصر جزء من العالم العربي
لو الابن العزيز شوقي شد حيله وذاكر كويس وتابع المنتديات الهندسية فسيكون مهندس ناجح ان شاء الله.
الهندسة انواع ودرجات وزي ما في دكتور شاطر والناس بتحب تروح له في مهندس شاطر الشركات بتحب توظفه.
مش معنى كده ان الدكاترة والمهندسين الاخرين مش لاقيين ياكلوا. لأ ليهم وضعهم الاجتماعي وبيكسبوا بس اهم حاجة انك تتقي الله في عملك.
الهندسة بتاعتنا في مصر هى هندسة المباني يعني المهندس بيقوم بدور الملاحظ في اوربا والدول المتقدمة. والعملية دي تقليدية لحد بعيد بدليل ان الكثير من المقاولين اللي بياخدوا عمارة من بابها لا يمتون للهندسة بصلة.
بالاضافة ان الزملاء مهندسي المستقبل الموجودين بتلك المعاهد كلهم مستواهم كده في الغالب واكيد حيتخرجوا في يوم من الايام لان المعهد مش حيخزنهم.
فتوكل على الله ياشوقي ونشوفك باشمهندس ان شاء الله بعد 5 سنين وشد حيلك.
...