مفيش حاجه اسمها بلاش تدعى على حد ازاى يكون واحد طلع عينه بقاله سنتين درووس ومصاريف وتعب اعصاب وكل حاجة وتقولى المجاميع عاليه منا عارف ان المجاميع عاليه يعنى هى مكافئة الناس اللى بتجتهد يعنى وبيطلع عينها يعنى جايب مثلا 98.5 نقوله معلش يبنى متدخلش طب وقدر الله ماشاء فعل
لا مفيش حاجه اسمها كده هما عاملين كده عشان الجامعات والمعاهد الخاصة
وبعدين هقلوكم حاجة حسبى الله ونعم الوكيل فيك يا وزير التربية والتعليم ومع انى انتخبت مرسى فى المرتين ومش ندمان عشان انا انتخبته لوجه الله بس حسبى الله ونعم الوكيل فيك يا مرسى وحسبى الله ونعم الوكيل فى كل المجلس الاعلى للجامعات وكل من تسبب فى هذه الكارثة
وانا والله لو اعرف اطلع فى مداخلة على الهواء او اوصل ليهم لهقولهم كده فى وشهم ولو مخدتش حقى هقتص منهم يوم القيامه هو فيه كده هيا فيه دوله بتعمل فى شبابها كده تضيع جيل كامل باكمله كل ده عشان المجاميع عالية ومفيش اماكن حاجة تقرف يعنى ذنبهم انهم تعبوا ومدخلوش الكلية اللى عاوزينها على فرق حاجة بسيطة نظام فاشل وتعليم فاشل وبلد ماشية تبع المحسوبية والواسطه والكوسة حاجة تخلى الواحد مش عارف يقول ايه غير حسبى الله ونعم الوكيل .
واخر كلامى حسبى الله ونعم الوكيل وفى كل صلاة هتحسبن عليهم وهدعى ربنا (ربى انى مظلوم فانتصر)
|