شرح عملية التحويل
صلوا على النبى ياجماعه كده وبراحه عشان نفهم موضوع التحويل
التحويل هدفه الأساسى تقليل الاغتراب وتقريب المسافات للطلبه لتخفيف العبء المادى والمعنوى على اولياء الامور من اغتراب ابناؤهم ، اما الهدف الثانى هو مساعدة الطلاب على اختيار كليه تناسبهم بعد معرفة النتيجة للتنسيق
لذا التحويل نوعان
الأول هو التحويل لكليه مناظره فى النطاق الجغرافى القريب مثال واحد من القاهره وجتله هندسة أسيوط ومجموعه اقل من مجموع هندسة القاهره يتم الموافقة على تحويله لهندسة القاهره مع ان مجموعه اقل ولكن لانه قبل فى هندسه اخرى يتم التحويل ولكن هذا النوع من التحويل للاسف بيكون محدد بنسبة معينه مثلا يعنى 50 طالب لكل كليه وبتكون الاولويه فيه للطالبات
النوع الثانى من التحويل هو التحويل لكليه غير مناظره مثال واحد جتله طب اسنان المنيا وهو من القاهره وعاوز يروح صيدله القاهره ومجموعه يقبلها وده بيتوافق عليه كله بيعتبروا ان الطالب اخطا فى ترتيب رغباته وده يعتبر اعادة ترتيب رغبات بعد معرفة النتيجه المهم انك تكون جايب مجموع الكليه الى هتحول ليها
واى استفسارات اخرى انا فى خدمة حضراتكم
الرجاء الدعاء لأبى بالرحمة والمغفره هو وجميع اموات المسلمين وتقبل الله منا ومنكم الصيام والقيام
|