[elsharef]

بسم الله الرحمن الرحيم

يا جماعة التنسيق السنة دى حاجة رهيبة فهلا و كان غير متوقع كده بس الواحد يرجع ويقول الحمد لله على كل شئ ويبدء يستعد للكلية اللى هو حيدخلها ولو مكانش عارف عنها حاجة يبدء يجمع معلومات علشان يبدء يحبها , صدقونى ده افضل بكتير من اننا نقعد نولول , بس انا من وجهة نظرى ان ارتفاع التنسيق امر طبيعى جدا لان المجاميع السنة دى فى العالى قوى , و معلش فى الكلمة مش كل الناس المفروض تطلع دكاترة ولا كلهم يطلعوا مهندسين , ماهو الكليات التانية بردو محتاجة ناس تدخلها , احنا المنظومة التعلمية عندنا غلط كلها , وانا احب اقول للناس اللى حسو انهم اتظلموا انهم يحاولو يعملوا لبكرة علشان يصلحوا من التعليم و كما يقال (رب ضارة نافعة )
و كما يقول الله تعالى :
بسم الله الرحمن الرحيم
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
و يقول تعالى ايضا :
بسم الله الرحمن الرحيم
{فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا} [النساء: 19].
صدق الله العظيم

(مصطفى الشريف , هندسة قنا)