[shahd.]

فـ رمضان مطلوب منى انى اعرف ان مصر مش على الخريطه عشان مفيهاش بحث علمى ..

و اتابع الصراع الازلى بين برسيل و اريال و مين فيهم هيوزع غسالات اكتر

و اشوف الراجل اللى بيسأل مراته كل يوم "هتفطرينا ايه النهارده يا حياتى "

و التانى اللى عايز ياكل ملوخيه بالسمنه البلدى زى بتاعته جدته

و اشوف اتصالات و هى بتحرض العملاء بتوع فودافون و موبنيل انها تسيبهم و تجيلها هيا ..

و فودافون اعلانها باظ .. و موبنيل و مجدى اللى معذباه ف كل اعلان ..

و بيبسى اللى جايبه دنيا سمير غانم عشان تستفذ الناس لحد ميعزمو كل اللى مشيين حواليهم ,,

و الناس اللى بتقول للناس كلها انها لابسه لامؤاخذه قطونيل لاسباب متعدده ..

و جمعيه رساله و الاورمان خير مصر و 57357 و مجدى يعقوب اللى انا مفروض اتبرعلهم كلهم عشان دا واجب عليا ..

و ان فيه شعره بين الرجوله و الـ... ..

بس وسط كل دا حاجه واحد بس اللى مصبرانى
:
:
:
:
:
:
:
:
:
:
:
:

ان ايديال زانوسى بقت زانوسى