اقتباس:
المشاركة الأصلية كتبت بواسطة *تائبة فى رحاب الله*
الأسـئـــلة موجهـــــة لـــ
neomuarn
1- متــــى تحس بالوحدة؟؟
الوحدة بالنسبة لي مش مجرد إني أبتعد عن الناس يمكن أكون بقابل أشخاص وبمشي مع أصحابي لكن لما مش بلاقي حد يشاركني همي أو أحكيله مشاكلي أو مش لاقي حد يسمعني ... ساعتها بس بحس الاحساس ده مسيطر عليا جداا وتكثر الفترة دي في الدراسة .
2-هل أنت راضٍ عن نفسك فى رمضان أو عامة ؟ ؟
مش أوي .. أنا اه بصلي الفرض في وقته والتراويح بس مش بقيم الليل ومش بقرأ قرآن بإنتظام ... يوم اه ويوم لا
بس بحاول أقلل من الاخطاء اللي بعملها .
3-مارأيك فى من حولك؟؟
طبعا أنا هقول رأيي :::--- أنا أري أن ( الحياة ماهي الا وجهات نظر )
وكلام شخصية قابل لتغيير لانه ليس أكيداا بدرجة 100 %
حتي اينشيتين كل نظرياته ( وجهات نظر مبرهنة ) وليست قرآن
فمش بستمع للي حواليا ولما بسمع لهم بعامل الموقف انه وجهة نظره
بحترم الناس المحترمة جدااا وأكره الاختلاط بالأشخاص الي مش محترمه .
4-هل تحب الاختلاط والحديث مع الناس؟؟
never
أنا مش شخصية إجتماعية خالص ومش بحب اللمة أبداا لذلك مش بحب العزومات في رمضان
5-ايه رأيك فى التعليم؟؟
أنا من وجهة نظري ( أن التعليم في مصر لاينفع أبدااااااااااااا)
يعني مثلااا اللي دخل كليه طب دخلها إزاي ....... بالحفظ لان المنهج حفظ وقلة قليلة اللي بتفهم والحفظ مقدور عليه وبعد مايدخلوا طب ويقضوا 7 سنين طب يطلعوا يتأسسوا سنتين تحت إيد دكتور فاهم ...!!
أمال لزمة دراستهم 7 سنين في الكليه إيه ؟؟
ولما قالوا إن الثانوية العامة سنة واحدة .. أنا صراحة مش شايف ولا ميزة في الموضوع ده ... ولا الدروس الخصوصية قلت ولا أي حاجة ..
قرارت وخلاص
6-ماهى طموحاتك أو نفسك تبقى ايه؟؟
أنا ... نفسي أبقي مهندس بترول وأهلي عاوزني أبقي دكتور وبحب الكتابة جداااا والفلسفة لدرجة إني مرة كنت هنزل كتاب اسمه ( من فيض قلمي )
بس خفت .
وصراحة الطموحات كتير جداا بس هترسي علي علمي علوم
( محدش بيبقي اللي عاوزه )
7-هل الاهم انك ترضى نفسك ولا أهلك؟؟
أهلي ...... عشان كده هدخل علمي علوم إن شاء الله
قبل ماتبقي الثانوية العامة سنة واحدة كنت هاخد أحياء في تانية وكيمياء في تالته
وكنت مليت الاستمارة بكده عشان أهلي طبعا
كفاية كدة أو ممكن يجد أمور
|
آسف عالاطالة
وشكراا علي مشاركة حضرتك