[Mr.Optimistic]

المشاركة الأصلية كتبت بواسطة *تائبة فى رحاب الله*

أسال الله أن يوفقنا واياكم وجميع المسلمين فى دنياهم
/
\
8- هل هناك شخص تأتمنه على أسرارك ؟؟ومن هو هذا الشخص؟؟

ابن عمي ...وهو بمثابة صديق بس أوقات كتير بيتلخم في حاله مش بحب أعطله
يعني مابين ابن عمي ونفسي

9- ماهى اكتر المواقف التى تسبب لك الاحراج؟؟
لما مدرس يسألني قدام الفصل ومعرفش

10-هل أهلك راضيين عن حياتك؟؟
مش كلها ..... هما شايفني مأثر في حق نفسي
بس مش مأثر في حقهم
مش بيحبوني أقعد لوحدي ....


11-هل تلقيت انقادات من قبل عن حياتك وطريقة معاملتك للآخرين؟؟

صراحة آه .... كتير بيقولي حياتك غريبة وبتفكر كتير في مواقف مش مساتهلة
وبتخسر الناس من مواقف مش مستاهلة

12-هل وصفك أحد من قبل أنك غريب؟؟وإن كان ذلك ....فما ذا كان رد فعلك؟؟
كتير ...خصوصا ابن عمي ده .... بزعل أكيد ...بس بفرح برده لأني بحس إني شاذ
مختلف عن الاخرين
13-ماذا سيكون شعورك إذا وافق أهلك على تحقيق رغبتك فى الحياة؟؟
أكيد هفرح جداااااااااا وهعزمهم علي حاجة ساقعة علي حسابهم
وان فشلت فى تحقيقها ماذا سيكون رد فعلك؟؟
ممكن أعتزل الحياة عموما
لأن أكتر حاجة بكرهها ان حد كان واثق فيا وبعدين يفقد ثقته فيا
فممكن متقومليش قومة تاني
14-ماهى نظرتك نحو المستقبل؟؟
بخاف منه جداااااا ..... خاايف يمكن - لقدرالله - مقدرش أعمل اللي في دماغي
15-هل تسعى لتطوير نفسك؟؟
آه ... وبشتري كتب ....... بس أوقات كتير مش بقرأها
بس عاوز أطور نفسي .. بس ماشي براحه في المشوار ده
16-هل قابلت احد من قبل نفس نمط شخصيتك وحياتك؟؟
صراحة ...... قابلت شخصية كانت قريبة جدااا من صفاتي ( من الباطن )
أما الظاهر ( لا خالص )
بس لم تتاح لنا الفرصة للتقرب ... زي ماتقولي كده الاقطاب المتشابهة تتنافر
17-ماهى الاوقات التى تبكى فيها؟؟ وهل تفضل البكاء بعيدا عن اعين الناس.؟؟أم أنك لا تأبه بهم؟؟
لما أحس إني ضعيف ... أو لما بخاف أووي
مش ببكي قدام الناس ... في قوضتي
لانها مشكلة جزء كبير جداااااا من شخصيتي
18-هل هناك شخص ما يشجعك على تحقيق طموحك؟؟
كل اللي حواليا من قرايبي وأهلي حاطين فيا أمل كبير اوووي ...وخايف جدااا أخذلهم بس أصدقائي كلهم بيثبطوني
لذلك بعدت عنهم
19-ما هى الاوقات التى تفضل فيها الصمت؟؟(اذا لم يكن الصمت من طبيعتك)؟؟
لما بيكثر الكلام حواليا .. بسكت لحد ما كلهم يسسكتوا و يسمعوني وأتكلم

20-إذا واجهتك مشكلة من الشخص الذى يساعدك فى تجاوزها؟؟أم أنك تفضل فل ذلك بنفسك؟؟؟
بنفسي ... انا قلت جمله كانت ضمن الكتاب الاهبل اللي كنت هعمله ( إذا تخلي عنك الجميع في شدتك فتأكد أن هذا يزيدك قوة )
لأن هتحاول تعزز قواك بحيث تقدر عالمشكلة دي لوحدك تثبت لهم إنك قادر وهتستعد لها لوحدك
فقدرتك الطبيعية علي مواجهة المشاكل هتزيد ... وإن لم تنتصر عليها .. فيكفيك شرف المحاولة
21-هل تحس أن الله راضٍ عنك؟؟
مش عارف ...بس أتمني يكون راضي عني
22-ما هو الشىء الذى تمنيت أن يكون عندك (وهو لم يكن)؟؟وماذا كنت ستفعل به؟؟
تمنيت يكون ليا بيت لوحدي في أرض بعيدة .... كنت ههرب من الواقع فيه

23-هل تحقيق طموحاتك من اجل منفعة شخصية؟؟أم من اجل الدين والوطن؟؟
من أجل الدين والوطن ......لاني نفسي أرفع مصر تاني وتبقي أم الدنيا بجد مش مجرد كلمة بنقولها
24-هل توافق على تطبيق الشريعة الاسلامية الصحيحة فى مصر؟؟؟
إنت كانت اجابتك نعم...فهل طبقتها أنت على نفسك؟؟؟
نعم .... أنا أسرتي ( أمي وأختي ) بيلبسوا حجاب
بس علي نفسي ...؟!! ( مش معقول هلبس حجاب ...؟)
بس بحاول أقلل من أخطائي

25-من هو الشخص الذى تتمنى أن يكون معك يساندك فى كل وقت؟؟
أو تبوح له بهمومك؟؟
شخص أنا متأكد إنه عمره ما هيبقي معايا

ومازالت الاسئلة مفتوحة..........بس كفاية دول دلوقتى ......فاصل ونواصل

كده حرام والله ....
انا لما بسأل مش بلاقي سؤالين علي بعض ...... بتفكروا في الاسئلة دي إزاي ؟؟؟