بسم الله و به نستعين
و ليه تجيب 99 ؟؟ لما أنت تقدر بإذن الله تقفل 100% .. المسألة و الله و قولتها كتير مسألة همم " همة عالية و عزم شديد"
و الصراحة و أنت يا أخي أكيد عارف كنت بتشغل نت كتيير ف 2 ثانوي .. و لازم تكون عرفت عيوبك ف تانية عشان متتكرهاش ف 3 " لا يُلدغ مؤمن من جحر مرتين " .. و لازم تتعرف ع صحبة مستواها عالي و تكون صالحة .. و متقعدش تقول أنا فاشل و مش هلحق أنا ضعيف ف المذاكرة و الحفظ و الفهم .. لالا " تفائلوا بالخير تجدوه " اقنع نفسك أنك تقدر و هتجيب طول ما أنت مستعين بالله .. صدقني يا أخي كل حاجة هتفضل مستنياك إلا مستقبلك مش هيفضل مستني و أنت عارف كدا لكن من باب " و ذكر فإن الذكري تنفع المؤمنين " مش أكتر .. بلاش تقول هذاكر بكرا هييجي بكرا و تقول هذاكر بكرا و هكذا لحد ما تلاقيهم كبسوا ع قلبك و معدتش قادر تتنفس و كآبة و حزن و احاسيس ربنا يبعدها عن كل الطلبة .. أنت لازم تذاكر أول أول ضروووووووووري و الله .. لكن متشدش جامد ف الاول عشان طاقتك متخلش ف الاخر و تقعد راكن كدا و مش عارف تعمل حاجة .. لازم تخلي صحتك النفسية تمام التمام و أنت أكيد عارف أن الذنوب و المعاصي بتسود عيشتك و تحرمك العلم .. لو خدت دروس يبقا تاخد عند مدرس بيجري وراك بالعصاية " صدقني هتدعيله ف الاخر" هو مدرس بيتقي الله فيك بطريقته دي و يكون بيدي امتحانات ع طول و ابقي اقعد ف الصف الاول او قريب منه عشان متسرحش .. " تذاكر تنجح , تراجع تتفوق " .. مش عارف اقول ايه تاني ؟! .. احنا تحت أمرك يا أخونا الصغير بس أنت اثبتلنا انك تستحق المساعدة ..
__________________
(وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ)
صبراً يا نفسي , معنا الله..صبراً يا نفسي فطريقي من نيران
:: إلا الحبيب .. يا عُبَّـاد الصليب ::
|