اقتباس:
المشاركة الأصلية كتبت بواسطة 3olomgy
هو فيه واحدة قريبتى فى المعهد ده وكانت قالتلى انهم بيدرسوا برمجة وصيانة ( هارد وسوفت )
بس بالنسبة لموضوع الشغل فانا فعلا ما اعتقدش ان خريج المعاهد دى هيتساوى بخريج علوم او هندسة او حاسبات بس لو صاحب الموضوع عايز يدرس كمبيوتر مفيش قدامه غير كده او يدفع الوفات فى اكاديمية اخباراليوم
نصيحة شخصية : دراسة الحاسب ( برمجة - جرافيكس - قواعد بيانات ..الخ ) مش شرط تتدرس فى كلية ؛ حاليا فيه اماكن كتير بتدى كورسات معترف بيها فى كل مجالات الحاسب وبتكون فيها اهتمام اكبر بالجانب التطبيقى عشان الشغل مع العلم ان الكليات اللى بتدرس برمجة ( علوم مثلا ) بتركز اوى على البرمجة بشكل نظرى بعيدا عن الشغل فاعتقد ان الكورسات تكون افضل ( رأى شخصى )
انت ربنا يوفقك السنة دى وتدخل كلية كويسة وحاول تاخد مع نفسك كورسات
|
بس برضو ياجماعة مننساش ان الشهادة بتفرق يعنى لو واحد دبلوم او معاه ثانوية عامة واشتغل فى المجال دة حيتظلم لو اشتغل فى شركة كبيرة مثلا حتى لو كانت خبرته اكبر من خريح الجامعة