[واحده من الناس]

- بسم الله الرحمن الرحيم .

فى البدايه كده احب ارحب بكل طلاب الفرقة الاولى الجداد الى جايين الكليه السنة دى بأذن الله .

واقولهم انكو هتقضو اجمل سنين حياتكو فى الكليه عندنا ان شاء الله

- نبدأ على طول بقى فى المهم . انت دلوقتى جاتلك كليه تجارة جامعة المنصورة فى التنسيق . المفروض تعمل ايه ؟ ؟

- اول حاجه التقديم اصلا هيبدأ بعد العيد بأذن الله . يعنى متروحش الكليه دلوقتى خالص غير بعد العيد ان شاء الله .

- طيب هتروح بعد العيد تقدم ازاى ؟ ؟

اول حاجه لازم يكون معاك الحاجات دى كلها :

1 - اصل استمارة الثانوية العامة .
2 - اصل شهادة الميلاد .
3 - 6 صور شخصية 4 * 6
4 - بطاقة الترشيح .
5 - المصاريف : 170 جنية تقريبا .

- وبعد كده تروح الكليه وتقدم .

ومتستعجلوش ولا تسئلو عن نظام الكليه دلوقتى .
كل حاجه هتعرفوها فى وقتها بأذن الله

- وبالتوفيق يا شباب