(1)
(احداث كنيسة القديسين)
ياترى قصتنا تبدء منين
من احداث العباسية
لا
قبلها حبتين
بور سعيد
لا لا
قبيها
مجلس الشعب
لالا
امممممم احداث مجلس الوزراء
لا قبليها قبليها
احداث محمد محمود
لا يابنى ارجع الثورة 25 يناير قبليها علطول
عارف انكوا زهقتوا
قصتنا هتبداء من احداث كنيسة القديسين
القصة بدات من سنة ونص تقريبا فى نهاية عام 2010 وبداية عام 2011 وبالظبط صباح يوم 30 ديسمبر 2010
يوم جميل بارد كالعادة يستعد العالم بتوديع عام جديد
وفى جامعة بنها كان الصحبة ملتقيه
منير وعاطف ونزيه فى صوت واحد :كل سنة وانت طيب يا مينا
مينا : وانتوا طيبين يا رجالة
عاطف : ايه يا معلم هتقضى ليله راس السنة فين؟
مينا : فى اسكندرية مع قرايبى
نزيه : ياعم نفض خليك معانا داحنا هنولعها هنا
مينا: والله يابنى انا عايز اقعد بس مش هينفع اسيب امى واخواتى لوحدى
عاطف: ماشى يا معلم مش مشكلة بس ترجع علطول
مينا : من عينى يا معلم وكل سنة وانتوا طيين
ويرد الثلاثة فى نفس واحد وانت طيب
ينتهى اليوم الدراسى ويتفق منير وعاطف ونزيه على ان يتقابلوا فى اليوم التالى على السابعة مساءا
وفى اليوم التالى فى حوالى الساعة التاسعة صباحا
فى منزل منير
ترررن تررررن
والدة منير : اى حد يرد على التليفون
اخو منير : الو سلاموا عليكوا
مينا : ايوه ممكن اكلم منير
اخو منير: ثوانى ..... منير منير تليفون
منير : مين
اخو منير : زميلك
منير : الو سلاموا عليكوا
مينا: ازيك يا منير
منير ازيك يا معلم ايه اخبارك وصلت امتى ؟
مينا: لسه واصل من ساعة
منير : حمد لله على السلامة يا وحش
مينا: الله يسلمك انا كنت بطمنك بس انت والشباب عارفكوا اندال ومش هتتصلوا تتطمنوا عليا ههههه
منير :عيب عليك يا وحش والله كنت هتصل بيك على الساعة 12 قولت تكون وصلت وتعبان على متستريح
مينا: ماشى ياعم عموما انا قولت اطمنكوا
منير : ماشى يا كبير
مينا: عاوز حاجة يا زعيم
منير: تسلم يا مينا وترجع بالسلامة يا ريس
مينا: مع السلامة
منير: مع السلامة
تك
خد منير موبايله واتصل ب نزيه وعاطف يعرفهم باللى حصل مع تاكيد على الميعاد وكده
وجت الساعة 7 مساءا واتقابلوا الصحبة
عاطف : هنروح فين ارجاله
منير : ايه رايكوا ننزل على الكورنيش ونتمشى لحد التحرير
عاطف: قشطة موافق
نزيه :طيب وبعدين هنروح فين؟
عاطف : عاوزين مكان يكون فيه احتفال وكدا
نزيه: ايه رايكوا ننزل على مول سيتى ستارز هتلاقى هناك احتفال وكدا
منير وعاطف : قشطة
واتحركت الصحبة وهما على الكونيش بيهزروا ويضحكوا كاى شباب فى سنهم
ووصوا المول ودقت الساعة 12 وحدث انفجارين
انفجار فى القاهرة بالصواريخ والالعاب النارية
و.وانفجار فى اسكندرية من نوع تانى
فى القاهرة الاحتفالات شغالة والحياة حلوة
وفجاءة فى الميك :سكوت لو سمحت سكووووووووووووت
العامل: للاسف هنلغى الاحتفال
راجل كبير : ايه ليه ايه اللى حصل
شابه : انتوا اكيد مجانين ازاى تلغوا الاحتفال
العامل: ثوانى بس قبل الانفعال الاحتفال هيتلغى لان كنيسة القديسين فى اسكندرية انفجرت
صمت رهيب فى المكان
ويبداء صوت بكاء مع استنكار للاحداث
راجل كبير : تلاقوا المسلمين هما اللى عاملنها
راجل اخر: مسلمين ايه ماحنا مسلمين وبنحتفل معاكوا
هرج ومرج وبقا الجميع فى مكانهم الا ثلاثة خرجوا وهم مفزوعين
عاطف: انا لازم اتصل بمينا حالا اطمن عليه
منير : بسرعة بسرعة
ترررن ترررن
نزيه :ايه فى ايه
عاطف: جرس ومحدش بيرد
منير: هات التليفون
ترررن تررن
منير : برضو محدش بيرد
وفضل التلاتة يرنوا على مينا ولكن دون رد
ووهوب
كان فى يوم عندنا ثورة