فى التاسعة صباحا من اول يوم فى 2011
تررن ترررن
موبايل عاطف بيرن ويظهر على الشاشة اسم مين
عاطف: الو ايه يا مينا
مينا: ايه يابنى كل دى مسدات فى ايه
عاطف : ايه يابنى انت مشفتش اللى حصل فى الكنيسة امبارح
مينا : شفت ياعم شفت
عاطف: احنا كنا خايفين احسن تكون هناك ولا حاجة
مينا: لا ياعم انا كنت بعيد بس حاجة تخنق
عاطف: البقاء لله فى اللى ماتوا
مينا : تسلم يا عاطف وايه اخبار نزيه ومنير ايه اخبارهم؟
عاطف: بخير طول مانت بخير كويس اننا اطمنا عليك
مينا : ربنا يخليك
عاطف: هترجع امتى
مينا: على بكرة
عاطف: بالسلامة يا معلم مع السلامة
مينا : مع السلامة
تك
يمسك عاطف التليفون ويتصل بمنير ونزيه ليطمنهم
فى اليوم التالى يجتمع الصحبه كاملة فى الكافيتريا ويا خدوا بعض بالاحضان
منير: حمد لله على السلامة يا ض خضتنا عليك
مينا : ربنا يخليك يا منير
نزيه: ايه يا عم اللى حصل دا
مينا : معلش بقا اه نصيب
عاطف: الحمد لله على كل شئ
وفى هذه الاثناء على الشاشة الرئيس مبارك يلقى خطاب للامة وينعيها
وبعد انتهاء الخطاب
الاربعة فى نفس الصوت : بلا قرف
لم تشفى كلمة مبارك غليل المصريين
فاخذ كل مجموع تدعو للتغير ويدعو للتحرر من هذا الظلم
وفى يوم 18 يناير قام اربع اشخاص بحرق انفسهم مطالبين بالتغيير
وقام شخص اخر بتخييط بقه والجلوس امام نقابة الصحافيين
وفى يوم 20/1 قامت مجموعة من الصفحات على الفيس بوك بالدعوة الى ثورة تغيير مثل صفحة كلنا خالد سعيد وكلنا بلال فضل ووائل غنيم وغيرها من الصفحات
حيث اتفقوا ان تتم الثورة يوم 25 يناير يوم عيد الشرطة وذلك بالتجمع امام نقابة الصحفيين
ولاقت الدعوة قبول غير معهود ووافقت الملايين
وكانت ابرز المطالب هى التغيير والغاء قانون الطوارئ وتنحى مبارك و..و...و... وغيرها
نظر الصحاب الاربعة الى بعض
نزيه : ياعم كل مرة بيقولوا كدا يفضلوا يومين ويروحوا
عاطف: لا المرة دى مش هنمشى هنفض موجودين
مينا: طيب ايه هنشارك ولا لا
الاربعة فى نفس واحد هنشارك طبعا
وو هوب
كان عندنا فى يوم ثورة
يتبع