الحلقة التاسعه
فى بيت احمد
... احمد قاعد مع والده وبيتكلموا
احمد : بابا انا عايز اخطب
مدحت: ههههههه تخطب مش اما الاول تفلح فى دراستك وتتخرج
احمد: بابا صدقنى انا لو مخطبتهاش مش هعرف لاذاكر ولا انجح
مدحت: للدرجه ديه ومين بقى ديه الى عايز تخطبها يا سيدى
احمد: زميله انجى واسمها شرين
مدحت: ايوه كدا انا اطمنت مدام زميله انجى تبقى انسانه كويسه
احمد: يعنى انت موافق يا بابا
مدحت: اوافق على اساس ايه انا معرفش عنها اى حاجه يا ابنى
احمد: يابابا صدقنى شرين بنت مؤدبه جدا
مدحت: طب حتى اعرف مين ابوها
احمد: ابوها اسمه محمد عبد الرحمن احمد
مدحت: محمد عبد الرحمن احمد.... ده بيشتغل فين ده
احمد: شرين كانت قالتلى انه بيشتغل محاسب فى شركه بس معرفش فين الشركه ديه
مدحت: هههههههه انا بقى اعرف لانه بيشتغل عندى فى الشركه يا فالح
احمد(باستغراب):بجد بيشتغل عندك
مدحت:انا ههزر معاك يا ولد بس هو فعلا انسان محترم جدا ومحبوب من كل الزمله الى معاه ومعروف بضميره الصاحى وزمته النظيفه
احمد:الحمد لله انت بنفسك الى قولت اهوه انه راجل كويس يعنى اكيد بنته كويسه زيه والنبى بقى نروح نخطبها
مدحت:هههههههه انت مجنون استنى شويه بس ... بس متقلقش انا موافق على البنت ديه
احمد: الحمد لله ربنا يخليك ليا يا بابا.... بس ماما ممكن مترضاش
مدحت:ليه
احمد: علشان يعنى مش من مستوانا وانت عارف ماما اكتر منى
مدحت : ملكش دعوه بامك انا الراجل هنا وانا الى اقول ينفع ولا مينفعش
احمد:الله عليك يا مدحت يا جامد انت احلى اب فى الدنيا
مدحت: ههههه طب يلا يا بكاش روح ذاكر علشان تنام ومتحملش هم الموضوع ده
احمد:من عنيا
وراح احمد اوضته وكان فى قمه السعاده وكلم شرين فى التليفون
احمد:شيرى حبيبى عامله ايه
شرين:الحمد لله وانت
احمد:انا كويس مدام بسمع صوتك
شرين : يا بكاش على العموم انت بتتصل ليه
احمد: انا يا ستى بتصل علشان اقولك انى قولت لبابا وهو وافق على انى اجى اخطبك بس لسه محددش ميعاد
شرين: بجد ... الحمد لله انا هفرح ماما واقولها
احمد: وكمان فيه مفاجأه تانى
شرين: ايه فيه ايه
احمد:باباكى طلع بيشتغل مع بابا فى الشغل وكمان بابا بيحبه قوى
شرين:ههههه الله على الصدف الجميله ده ماما هتفرح كده اكتر
احمد:اوكى سلام بقى وروحى قولي لمامتك.... بحبك
شرين: لا اله الا الله
احمد:محمد رسول الله
وراحت شرين لامها فى الاوضه وقلتلها ومامتها فرحت جدا وقالت لها انها تدخل هى وتقول لباباها
وفعلا دخلت شرين وقالت لباباها
محمد: واسمه ايه باباه
شرين: هو اسمه مدحت احمد علوان
محمد: ايه ده يبقى رئيسى فى الشغل
شرين: ما انا عارفه يا بابا واما احمد قاله اسمك هو كمان عرفك وكان بيشكر فيك جدا وكمان عايز يجى يخطبنى لاحمد
محمد: ربنا يوفقك يا حبيبتى يلا روحى انتى دلوقتى نامى علشان كليتك الصبح
شرين: حاضر يا بابا تصبح على خير
محمد : وانتى من اهله
وخرجت شرين وراحت اوضتها
ونسيبها ونروح لاحمد شويه
احمد: اه والله يا انجى بابا وافق
انجى: مبروك يا حبيبى ربنا يوفقوا
احمد: وينجحك يا انجى يلا تصبحى على خير يا حبيبتى
ونروح لمدحت وناريمان
مدحت حكى لناريمان على كل حاجه)
ناريمان: انت بتقول ايه انا اجوز ابنى لواحده زى ديه
مدحت: ديه بنت مؤدبه جدا وكمان ابوها راجل محترم جدا
ناريمان: انا قولت لأ يعنى لأ
مدحت( بعصبيه): انتى اتجننتى انا الراجل هنا وانا الى اقول لأ او نعم فاهمه
ناريمان(بعصبيه اكتر): لأ مش فاهمه وانا مش مجنونه انت الى مجنون وستين مجنون
مدحت( ضربها حته قلم):انتى نسيتى نفسك يا هانم ولا ايه
ناريمان:اةةةةةةة انت بتضربنى يا مدحت
مدحت:ايوه بضربك وكلمه زياده مش هخليكى على زمتى انتى فاهمه
ناريمان(بعياط):يااااه توصل للطلاق يا مدحت
مدحت:قولتلك اخرسى خالص..... اةةةةةةةةةةة
ناريمان:مدحت مالك يا حبيبى الحقنى يا احمد
طبعا احمد وانجى صحيوا من النوم على صوتمامتهم وراحوا جرى على اوضه باباهم ومامتهم
احمد: بابا فيه ايه يا ماما ايه الى حصل
انجى: مش وقته يا احمد اطلب الاسعاف بسرعه
احمد:هو انا لسه هطلب اسعاف انا هاخده على المستشفى
انجى:طب يلا بسرعه
ونزلوا مدحت فى عربيه احمد وراحوا بسرعه على المستشفى وكانت الساعه 6 الصبح
احمد:خير يا دكتور بابا ماله
الدكتور:اهدى بس هو كان على وشك جلطه بس احنا لحقناها الحمد لله
احمد:جلطه ... جلطه من ايه يا دكتور
الدكتور: اكيد الجلطه ديه نتيه انه زعل جامد او اتعصب وده عمله اجهاد فى القلب
انجى: طب احنا ينفع ندخله يا دكتور
الدكتور: اه ممكن بس منغير ما تتكلموا كتير وكمان مش هتعدوا كتير
احمد: اوكى
طبعا ناريمان كانت منهاره ومش قادره تتكلم
ودخل احمد وانجى وناريمان لمدحت فى الاوضه
احمد: اه بس لو افهم ايه الى حصل
انجى:اما بابا يقوم بالسلامه يا احمد نبقى نتناقش
احمد: ماشى
ودخل عليهم الدكتور
الدكتور:يلا يا جماعه كفايه كده الساعه بقت 8 الصبح
احمد: طب هو هيفوق امتى يا دكتور
الدكتور:انتوا بس روحوا وتعالوا الظهر هتلاقوا بيلعب فى الجنينه كمانههههههه
احمد :الحمد لله احنا كنا فين وبقينا فين والبركه فيك يا دكتور
الدكتور:متقولش كده دا واجبى ... يلا اتفضلوا انتوا
ناريمان:لأ انا هعقد هنا
احمد:يلا يا ماما علشان ترتاحى حبه
ناريمان(بعياط):لو على الراحه انا هنام على الكنبه روحوا انتوا
انجى:يا ماما يلا بقى واحنا هنيجى كلنا الظهر
ناريمان:قلتلكوا لأ يعنى لأ مش هسيبه
احمد:خلاص يا انجى سيبيها على راحتها .. طب احنا هنمشى احنا يا ماما وهنجيلكم الظهر علشان نطمن على بابا
ناريمان:ماشى يا حبيبى خلى بالك من نفسك ومن اختك
ومشى احمد وانجى وروحوا البيت
وعند شرين وهناء فى الجامعه
شرين:هما اتاخروا كده ليه
هناء:ايه وحشك اوى
شرين:انا مبهزرش يا هناء
هناء:خلاص خلاص
شرين:تفتكرى ايه الى اخرهم
هناء:الله اعلم.... هو احنا هنحير نفسنا ليه ما تتصلى بأحمد وتعرفى فيه ايه
شرين:اه والله عندك حق
واتصلت شرين بأحمد
شرين:الو يا احمد انتوا فين يا ابنى
احمد:سورى يا شرين اصل بابا تعب فجأه ونقلناه المستشفى ولسه رجعين دلوقتى
شرين:لا حول ولا قوه الا بالله طب هو عامل ايه دلوقتى
احمد:الحمد لله هو كويس
شرين:طب انا هقول لبابا ونجيلكم المستشفى
احمد:لأ بلاش تتعبوا نفسكم
شرين:عيب كدا يا احمد بس ادينى عنوان المستشفى
احمد:العنوان يا ستى______
شرين:اوكى اول اما اروح هجيب بابا واجيلكم.. هى فين انجى
احمد:انجى نايمه اصلها كانت واقفه على رجلها من بليل
شرين:طب خلاص سيبها مرتاحه .. يلا سلام
احمد:سلام
وقفلت شرين السكه
هناء:ايه خير ماجوش ليه وهو مين ده الى فى المستشفى
شرين: انكل مدحت ابو احمد تعب بليل وودوه المستشى وانا وبابا هنروحلهم اول اما نروح
هناء:يا حول الله يارب طب اما تيجوا تروحوا ابقى قوليلى علشان اجى معاكى
شرين:اوكى
وخلصت محاضراتهم وروحوا وشرين قالت لباباها بس هو طبعا كان عرف من الشركه ولبسوا وراحوا المستشفى
ويا ترى ايه الى هيحصل فى المستشفى؟
الحلقة العاشره
فى المستشفى عند مدحت
ناريمان( بعياط ): مدحت حبيبى علشان خاطرى قوم يا مدحت متحسسنيش ان انا السبب انا اسفه والله مهعمل اى حاجه تزعلك تانى وهنخطب شرين لاحمد وكل الى انت عايزه هعمله بس قوم يا مدحت
وراحت موطيه رأسها على السرير وقعدت تعيط
وفجأ لقت ايد بتحسس على رأسها
ناريمان: مدحت
مدحت: بتعيطى ليه
ناريمان( رجعت تعيط تانى): انا السبب فى الى جرالك والله مهزعلك تانى ابدا بس قوم انت بالسلامه
مدحت: انا مقدرش ازعل منك ابدا انتى حبيبتى قبل ماتكونى مراتى
ناريمان: وانت روحى مش حبيبى بس انا مقدررش اعيش من غيرك ابدا
ويقطع عليهم اللحظه الرومانسيه ديه احمد
( رخم )
احمد: صباح الخير يا بابا
مدحت: صباح النور يا حبيبى
احمد: ها ايه اخبار صحتك
مدحت: الحمد لله...امال فين انجى
احمد: انجى بره ومعاها ضيوف جيين يطمنوا عليك
مدحت:ضيوف مين
احمد: اتفضل يا عمى
ويدخل محمد وشرين وهناء
محمد: حمد لله على سلامتك يا استاذ مدحت
مدحت: الله يسلمك ليه تتعب نفسك وتيجى بس
محمد: انت غالى عليا عيب انى ماجيش حتى ازورك
مدحت: مين البنات مش تعرفنى يا احمد
احمد: ديه هناء وديه شرين زمايل انجى فى الكليه
مدحت بيسلم على هناء): اهلا يا بنتى ( بيسلم على شرين): اهلا بعروسه ابنى
شرين اتكسفت جداااااااااا وقالت
شرين: بعد اذنكم انا هجيب حاجه وجايه حالا
محمد: ماشى يا حبيبتى
احمد: عن اذنكم يا جماعه
وخرج احمد لقى شرين قاعده بره
احمد: ايه قاعده ليه هنا
شرين: لألأ ابدا مفيش
احمد: على ميدو فيه ايه مالك
شرين: بص بقى انا مبعرفش اخبى بباك الصراحه احرجنى جامد ازاى يقول كده
احمد: هههههه طب وهو كدب فى حاجه ما انتى فعلا عروسه ابنه
شرين( اتكسفت اكتر ووشها بقى زى الفراولايه): ______
احمد: يا سلام يا ولاد حبيبى مكسوف
شرين: اسيبلكوا المستشفى وامشى يعنى
احمد:لألألأ خلاص خليكى معايا
شرين: طب يلا ندخل
احمد: يلا يا اوطه
شرين: ايه قوطه ديه
احمد: احلى قوطايه فى الدنيا ... بحبك
شرين: انت فى ايه ولا فى ايه يلا ندخل نطمن على اونكل مدحت
احمد: يلا يا حبيبى
ودخلوا الاوضه قعدوا حبه وبعدن روحوا وجه تانى يوم وخرج مدحت من المستشفى وروح البيت وقاعد مهع احمد وناريمان
مدحت: اتصل بشرين وقولها اننا جينلهم بكره
احمد: بجد يا بابا
مدحت: بجد يا حبيبى يلا قوم فرحها
ناريمان: ربنا يتمملك بخير يا حبيبى هى شكلها فعلا بنت كويسه
احمد: ربنا ميحرمنى منك ابدااااا انا هطلع اطمنها
ونروح لمدرسه الثانوى الى على اول شارع شرين
عادل : ازيك يا حنين
حنين:الله يسلمك يا عادل ايه اخبارك فى المذاكره
ملحوظه حنين ديه بنت زميله عادل فى المدرسه ومؤدبه جدا وعادل بيحبها جدا بس مش زى اخته بس هى مش حاسه بيه خالص
عادل : اهوه الحمد لله بذاكر حبه والى مبفهموش شرين اختى بتفهمهولى
حنينك ربنا يخليكوا لبعض انا كان نفسى اوى يبقى ليا اخت اتكلم معاها واحكيلها
عادل( بسرعه): احكيلى انا على كل الى مضايقيك
حنين(بأستغراب): لألأ ابدا انا مفيش حاجه مزعلانى
وفجأه جه جاسر
جاسر: هاى عاملين ايه
ملحوظه: جاسر ده زميلهم بس غلس جدا جدا وميحبش تفوت من تحت ايده وطبعا بلطجى
عادل: طب قول سلام عليكم على العموم وعليكم الهاى
حنين: عن اذنكم
جاسر: ( مسك ايدها): ايه بس رايحه فين
حنين( وهى بتبص لايده): انت اتجننت سيب ايدى لوسمحت
جاسر: ليه بس اللون ده
عادل راح مدخل وشد ايد جاسر بعنف
عادل: انت مجنون امشى من هنا يا جاسر لو سمحت
جاسر: وانت مالك انت يا له غور من هنا
عادل : هناديلك الاساتذه يا جاسر لم الدور وامشى
حنين: امشى يا عادل وملكش دعوه بيه
عادل: عندك حق انت اتفه من انى اضيع وقتى معاك
وخد حنين ومش وفجأه
حنين: عااااااااااااااااادل
نروح لاحمد بقى احمد طلع جرى اتصل بشرين علشان يقولها
احمد:الو يا شيرى
شرين بتعيط جامد): الو يا احمد
احمد: مالك يا شرين بتعيطى ليه
شرين_____________
احمد: ايه وحصل امتى ده؟
ويا ترى ايه الى حصل لعادل ؟
وايه الى حصل لشرين؟
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا
|