http://www.thanwya.com/vb/showthread.php?t=151552
ولاً أهلاً بيك/ي في حاسبات ... ربنا إن شاء الله يوفقك فيها
بالنسبة للكورسات .. بلاش في الأول تاخد/ي كورسات الأفضل تحاول/ي تتعلم/ي بنفسك ...
(الكلام الجاي ناقله من ردي على زميل داخل أولى برضه )
تبدأ تشوف لغة برمجة ( c++ أو Java ) و تدور على فيديوهات ليها عالنت ... و تحاول تطبق اللي بيتشرح فيها ... ده هيريحك أوي في الكلية ... عشان هتنضغط شوية أول ما تدخل فيفضل يكون عندك خلفية كويسة عن لغة برمجة ... و زي ما قلت لغة البرمجة اللي ممكن تتاخد في أولى هي غالباً ( C++ أو JAva ) جرب تشوف أي حاجة فيهم و مش هتفرق المهم إنك تفهم مفاهيم البرمجة مش اللغة نفسها ... بس ركز دلوقتي على واحدة بس منهم و إن شاء الله حتى لو أخدتوا التانية هيبقى الموضوع سهل بالنسبة ليك إن شاء الله , و لو أي حاجة وقفت معاك اسأل هنا و أنا هأرد عليك إن شاء الله ..