[rana rory]

النهارده كان ميعاد التظلم بتاعى
بس للاسف انا ندمت انى عملت تظلم
لانى مجرد انى رحت نكدت على نفسى و على بابا بس
لانى عارفه انى حقى مش هيرجعلى
والله العظيم انا من اول ما رجعت و انا بعيط و بدعى على كل واحد ظلمنى
فى التصحيح انا مش عارفه هما هيستفادوا ايه لما يضيعوا مستقبل انسان
انا راجعت ورقه العربى و الانجليزى و الله حرام عليهم
انا فى 4 اسئله فى العربى كاتبه نفس اجابه النموذج بالحرف
مفيش ولا حتى كلمه مختلفه و منقصنى نص فى كل سؤال
و فى التعبير درجتين مع انى خطى كويس و كاتبه صفحتين


اما الانجليزى بقى المصيبه الكبيره 3 اسئله فى فايند ذا مستيك
صح و نفس نموذج الاجابه و عاملهم غلط
الترجمه و الله بالملى ما فى كلمه مختلفه حتى منقصنى فى كل و احده نص
و كده مجموع الدرجات اللى استحقها 4 يعنى 2%

بجد حسبى الله و نعم الوكيل فى كل واحد ظلم طالب