ثورة 25 يناير
يوم 25 يناير
منير : الو يا نزيه انت فين:
نزيه : ايوه يامنير انا فى الطريق
منير : حد معاك؟
نزيه: اه عاطف , مينا وصل ؟
منير: اه معايا اهه
نزيه: ايه الاخبار عندكوا
منير : لسه العدد صغير ميكملش 100 واحد
نزيه: تمام انا فى الطريق خمس دقايق وهبق قدامك سلام
منير: سلام
تك
مينا: ايه هما فين؟
منير: جايين فى الطريقة 5 دقايق وهيكونوا هنا
مينا (بصوت عالى): يا جدعان احنا جايين نطالب بالتغيير ودا حقنا وحق البلد دى علينا ومش هنمشى غير لما تتحقق
يهتف شخص: التغيير التغيير
يهتف الناس خلفه :التغيير التغيير
وتنوعت الهتافات من
- مش هنسلم مش هنطاطى احنا كرهنا الصوت الواطى
- مش ساكتين مش ساكتين حقنا فيها ومش ماشيين
وانضم حدد من الناس حاسين ان المرة دى فى امل بجد
ووصل نزيه وعاطف
وانضم للهتاف
وفجاءة صرخ شخص : بوليس
صرخ عاطف : كله يثبت فى مكانة
وهتف عاطف : يا حرية فينك فينك البوليس بنا وبينك
وهتفت الناس وراه ولكن انسحب العديد ومبقاش غير حوالى 60 واحد
وافراد الامن المركزى عمال يقرب والمدرعات
والابطال ال 60 واقفين مش خايفين حاسين انه دا هو الامل
وبدا الضرب
قنابل مسيبة للدموع زقنابل غاز
منير: اثبتوا هنا حرية حرية
عاطف (مختنقا) : تعالى بعيد عن الغاز بسرعة
يبتعد الاتنين ويتراجعوا للخلف
تقترب القوات والمدرعات
والثوار مش شايفين حاجة خالص ومختنقين
وفى وسط الزحمة حس منير ونزيه بايد بتشدهم ناحية القوات
وفجاءة لقوا نفسهم وسط قوات الامن المركزى ورفع العسكرى العصاية ونزل بيه على منير
وو
وكان فى يوم عندنا ثورة
يتبع