[تغريد الطيور]

المشاركة الأصلية كتبت بواسطة مروه

السلام عليكم و رحمة الله و بركاته

***

ازييييكم يا طلاااب عاملين اييييه ف الصيام ؟؟؟؟
تماااااااام

بصوا انا جاتلى فكرة كدا كانت متاخدة من موضوعى القديم " هتتتحل المشكلة ع الهوا "

لكن موضوعى دا عبارة عن ان احنا هاختار عضو/ة متفوقة و ممتازة و ما شاء الله مجتهدة
يعنى أنا المفروض كده بره الموضوع
و هانسالها كدا شوية اسئلة و هانشوف هاتجاوب عليهم ازاااى و يمكن نستفيد منها.. و ياريت كل عضو يدخل و يقول رقم جلوسه ( طبقا لطلبات الاعضاء )
ههههههههههه
والله مش فاكره حتى رقم جلوسى السنه دى
اللى فى الكلية هفتكر بتاع ثانوى
بس على العموم المجموع كان 97
ههههههههه ده طبعا أيام الرخص بالنسبه لكم

و الاسئلة ..
هو كله إجبارى !!!!

ايه اكتر مادة بتحبيها و ليه ؟
فى تالته كنت بحب الأحياء جدا
لإن ميولى دايما كان بيولوجى وبحب دراسته جدا
وكنت عاوزه أدخل طب
بس بحمد ربنا دلوقتى إنى مش دخلته
....
والرياضه والكيميا فى تانيه
الكيميا : لإن مدرسها كان كويس جدا فحببنى فيها
الرياضه : عشان كنت كويسه فيها اوى من صغرى
فكانت بالنسبه لى مادة للترفيه مش للمزاكره

ايه اكتر مادة بتكرهيها و ليه ؟
الفرنساوى : كانت دايما بتدخل معايا فى الإنجليزى
وكنت حساها ماده رخمه جدا وعاوزه حفظ كتير جدا

نفسك تطلعى ايه و ليه ؟

كان نفسى قبل تانيه ثانوى فى طب وادخل قسم جلديه أو عيون
عشان بحب أوى دراسة جسم الإنسان والمجال ده ومافيش أمتع فى الدنيا من إنك تشوفى إنسان مريض وبيتألم وإنتى اللى تقدرى تخففى عنه
بس فى سنه تانيه جبت 93.5 فطبعا يعنى المفروض كان أخرى أحول أدبى
ونسيت حكاية الطب دى
وقلت أى كلية وخلاص واللى ربنا يعمله وكملت علمى
وجاتلى فى تالته صيدله وعرفت فعلا إن ربنا اختار أفضل شىء ليا
وإن استحاله ان كنت أنجح فى طب ... يعنى أنا بخاف لحد دلوقتى أعطى حقنه أو أشوف ضفدعه فى المعمل
هدخل طب إزاى وأشوف جثث وتشريح
ودلوقتى بعشق حاجه اسمها صيدله الحمد لله

بتأيدى موضوع السهر ؟
بصى أنا ولا بأيده ولا بعارضه
فيه ناس بتحب جدا مزاكرة بالليل فموضوع السهر هيكون مفيد جدا
بالنسبه لها والعكس
يعنى هى حكايه نسبيه وتعوّد بالنسبه لكل شخص
بالنسبه لى أخرى فى المزاكره كان الساعه 1 أو 2 كده
بعدها إستحاله أقدر أزاكر

بتذاكرى على حوالى كام ساعة " ماتخافيش احنا هنا اخواتكمش هانحسدك " ؟
لأ أخاف
ممكن تقولى أكتر أكتر مده ممكن أكون زاكرتها مش هتزيد عن 6 ساعات
وده يعنى نادر لما كان يحصل
لكن فى المتوسط كان من ساعتين لــ 3
ده طبعا أيام الدح
لكن دلوقتى كل أسبوع ممكن أزاكر نص ساعه بالكتير

ههههههههههههههه انتى هاتقوليلى .. دول اخواتى ليلة الامتحان بسسسسس ع الكتاب

ايه اكتر وقت بتحبى تذاكرى فيه ؟
الصبح من الساعه 10 كده
وبالليل برضه من 10

ايه اكتر مشكلة بتواجهك اثناء المذاكرة ؟
السرحان
ممكن أزاكر 3 دقايق وأسرح بقية الساعه
وفى الأخر معرفش أنا كنت سرحانه فى إيه !!!!

هههههههههههههههههه بتحصلى كتيييييييييير

مكان الامذاكرة عندك مناسب ؟
هههههههههه مافيش غيره ... السرير طبعا
ودى نقطة الخلاف اللى بينى وبين ماما أيام الدراسه
هى مصممه إنى مينفعش مزاكره غير على المكتب
وأنا بقى المعلومه متدخلش غير وأنا قاعده على السرير
والمشكله أن أنا نشرت العدوى لإخواتى

ايه اخبار اصحابك بيشجعوكى و لا ايه ؟
فى الثانوى كانوا بيشجعونى على المزاكره وكنا دايما نتفق هنزاكر ايه النهارده وهنحفظ إيه ونروح نمتح إمتى عند المدرسين
طبعا فى الكلية العكس تماما
هى كلمه واحده اللى تسمعيها
هنلم المنهج فى الأخر
وطبعا إحنا اللى بنتلم فى الأخر

ارتاحى شوية كدا و خدى دوول
حسبى الله ونعم الوكيل
ده أنا المفروض أستريح 5 أيام على الكتابه اللى أنا كتبتها دى

* ايه هى هواياتكـ ؟
بحب أصطاد جدا

* ايه طموحكـ ؟ و ايه هوا حلمكـ ؟
مش فاهمه إيه الفرق

الحلم شئ من الصغر نفسك فيه و نفسك تحققيه جداااااااااا جداااااااا

لكن الطموح مثلا انتى حاليا مصيرك متحدد و فى دماغك نفسك تعملى مشاريع خيرية حاجات تغيرى بيها نفسك و اللى حواليكى .. الخ
بسسسسس كدا


عامة نفسى بعد التخرج أشتغل فى مصنع أدويه وأدرس فيرس الكبد الوبائى اللى دمر مصر كلها وألاقى له علاج
ده طبعا صعب جدا فى مصر
بس ربنا يسهل ويكون الوضع اتغير للأحسن شويه

هى دى الطموح



*ايه اقتراحاتكـ عشان التعليمـ ف مصر يتغير ؟
ياااااااااااااااااه
ده انتى عاوزه موضوع تانى
يابنتى والله العظيم مافيش حاجه اسمها تعليم فى مصر
إحنا بنضحك على نفسنا
هى دى أشكال مناهج ؟؟!!!
دى المعلومات اللى فيها أساسا بقالها قرن من الزمن
والإمتحانات دى مصيبه تانيه
بجد التعليم فى مصر عاوز يتولع فيه ويبدأ من جديد

أول حاجه المناهج لازم تتغير تماما
المفروض تكون حديثه جدا وفيها المعلومات المفيده وبس مش يقعد يشرح لى فى نظريات خلاص العالم كله معدتش بيستخدمها
والمنهج يتحدث كل سنه ويواكب الإكتشافات والتقدمات العلمية

تانى حاجه المدرسين وبالذات مدرسين الإبتدائى
لازم يكونوا على وعى كبير جدا عشان يقدروا يتعاملوا مع الطفل فى المرحله دى ويحببوه فى التعليم ويقدروا يوصلوا المعلومه بطريقه كويسه
مش يخلوا الطالب يتعود على الحفظ زى البغبان وخلاص .. أنا شايفه ان أهم مرحله فى التعليم هو الإبتدائى

تفعيل الجزء العملى فى المناهج

يكون لكل طالب ملف متابعه يكون مكتوب فيه كل حاجه عن ميوله والمواد الضعيفه والمواد الكويس فيها ونحاول ندعم نقاط القوة اللى عنده ويدخل الكلية اللى هتحقق ده.. زى كل الدول ما بتعمل

بجد فيه حاجات كتير جدا لازم تتغير فى التعليم ولو قعدت أكتب مش هخلص
بس مش عاوزه أطول فى الموضوع عن كده

*ايه اللى نفسكـ يتغير ف مصر ؟
ضماير الناس
((إن الله لايغيروا ما بقوم حتى يغيروا ما بأنفسهم ))
لو كل واحد راعى ضميره فى شغله
والإعلامى راعى ضميره فى الكلمه اللى هيقولها فى الإعلام
والمسئول راعى ضميره فى رعيته
والطالب راعى ضميره فى مزاكرته
مصر هتبقى حاجه تانيه

ثم اختارى العضو/ة اللى بعدك ..

بجد موضوع جميل خالص
تسلم إيدك يا قمر على الموضوع

وأتمنى يكون كلامى خفيف عليكم

والعضو اللى بعدى / أحبكـ ربى [/center]

تصدقى بالله يا مروه و الله فعلا انتى اكتر واحدة استفدت منها و بجد انتى عقلية ما شاء الله الله اكبر عليكى ماكنتش احسبك كدا و الله

دا انتى المفروض يكون ليكى منصب سياسى ف المجتمع و عنك خطط كتييييرة و احلااااام .. مهما وصفت فعلا مش هاوفيكى حقك ما شاء الله ما شاء الله عليكى

ربنا يااااااارب اكرمك و يحققلك احلامك دااايما و عايزة اشوفك ف التليفزيون

و الدكتوووورة مروه صاحبة دواء لداء ( فيرس الكبد الوبائى ) ..

بجد بجد بجد نووووورتى يا دكتووووورة