[رايه الاسلام]

طبعا اول حاجة ببارك للمشرفين الجدد وانا اتمنى ان القسم هنا يكون احسن بكتيير طبعا انا من الناس الكتير اللى بتتابع وتشاهد من غير ما تشارك وده بيرجع لاسباب كتير ودلوقتى انا مستعدة اشارك معاكم علشان نطور القسم ونفيد ونستفيد من بعض هو انا كطالبة ثانوية عامة بدخل القسم ده بالذات علشان الاقى ناس من سنى نشارك بعض فى مشاكلنا فى الدراسة نستشير بعض ونتعلم من بعض
و عندى اقتراح علشان بداية القسم يتظبط انا شايفة ان من الافضل يكون فيه تجمعات لكل مرحلة وتخصص معين يعنى فى تانية ثانوى يكون تجمع علمى فى موضوع وتجمع ادبى فى موضوع وفى تالتة ثانوى يكون فى تجمع لعلمى علوم فى موضوع وعلمى رياضة فى موضوع وادبى فى موضوع وتكون الموضوعات دى تحت اشراف الادارة ومتثبتة ووفيها هنسهل على بعض كتير علشان كل واحد يعرف المفروض يشارك فين وكل واحد عاوز يدى نصايح يعرف يديها فين وهكذا دى بداية لاقتراح لقيته ممكن يفيد القسم ولو عندكم فكرة افضل كلنا مرحبين بيها