[د/نداء الجنة المصرية]

المشاركة الأصلية كتبت بواسطة egymessi

اختلف معك فالتنسيق طبعاً متحدد بوزير التربية والتعليم لأنة يضع امتحانات سهلة للطلاب وبالتالى تزيد المجماميع العالية فمثلاً أنا كنت السنة دى فى 2 ثانوى وكنت بذاكر مذاكرة انتحار على اساس ان الامتحانات صعبة وفى الاخر جاب امتحانات سهلة ..... على فكرة انا جبت 204من205

على فكرة سهولة الامتحانات مش هى المشكلة ولا الغش زى مابيتقال لكن الناس بقت تذاكر دلوقت اكتر والوسائل بقت كتيرة وبدل الدرس عشرة وعشرين والله انا كنت لسه فى تانى اسبوع فى الدراسة وكنت فى الفصل وقعدت اتكلم مع مدرسة الفيزيا شوية وكانت بتقول ان المناهج عاوزة تتغير لان الحاجات دى قدمت وبقت مالهاش لازمة هو ايه لاللى نقيس حجم فقاعة الصابون والكلام بتاع العيال ده ؟ وانا كنت وقتها حليت بتاع 3كتب كده على الوحدة الاولى وخلصتها وحليت كل الاسئلة اللى عليها فى الامتحانات اللى فاتت ازهر وعام وكمان جبت اسئلة من على النت وحليتها فقولتلها اساسا مش عارفة هيجيبوا اسئلة للامتحانات منين هم زمان كان الامتحان بيكون صعب لان فيه فكرة جديدة والطالب لسه هيفكر فى قلب الامتحان انما حاليا احنا تقريبا صفينا الافكار فى المنهج ده هيجيبوا اسئلة منين اى سؤال هييجى هنكون كلنا متدربين عليه اكتر من مرة ومش هنحتاج نفكر فطبيعى يكون الامتحان سهل بالنسبة لينا

ولو عاوز تتاكد من كلامى هات اى امتحان قديم اتقال وقتها عليه صعب موت وحاول تحله هتحله فى عشر دقايق وانت مغمض واساسا احنا تقريبا خلصنا الامتحانات دى كلها حل زمان قليل لما كان حد ياخد درس دلوقت فى ناس بتاخد فى المادة 3او4 دروس وماكانش فى وسائل اتصال ولابرامج تعليمية ولا كل واحد معاه ييجى 8 كتب خارجية فى المادة انا عن نفسى كان عندى فى الفيزيا 11كتاب بكتاب المدرسة


اما بالنسبة لان الناس كلها شايفة ان الكتب فيها حشو فانا معارضة لا دى لازم تزيد كمان يعنى فيزيا الثانوى دى بجد اخرها الاعدادى ويخلوا الفيزيا الحديثة ويجيبوا عليها احدث الاكتشافات الفيزيائية الحديثة ده مجرد مثال ونفس الكلام فى الباقى احنا عايزين زيادة فى الكمية مش نقص اذا احنا اخدنا الحاجات اللى بتقولوا عليها حشو دى كلها وانا حاسة انى داخلة الكلية معايا شوية معلومات لاتسمن ولاتغنى من جوع وان الكمية اللى اخدتها قليلة جدا