بصراحة ولاحاجة من دول هو سبب قد تعتبروه تافه بس هو بالنسبة ليه مهم انا مش بعرف اتكلم مع الناس يعنى لو فى مكان وفى ناس موجوده حتى لو قرايبنا بفضل ساكتة ومش بتكلم مع حد وعندى الخجل الزايد اللى يعتبر انسحاب اجتماعى يعنى معظم كلامى بيكون جوه بيتنا ولو عندنا ضيوف كمان مش بتكلم ممكن اكون بس بتكلم مع 3من اصحابى معايا من الحضانة وكمان جيراننا وطبعهم زيى كده مش بيعرفوا يتكلموا مع حد انا من 4 سنين كده لو عند ناس قرايبنا وبيقولوالى منورة باتخض ومعرفش ارد فعشان كده بدات ادخل اشوف الناس بتتكلم ازاى وازاى اتواصل مع الناس وبصراحة استفدت من القسم ده واتغيرت كتير بقيت انا اللى اروح ازور قرايبنا واتكلم معاهم وكمان اتصل بزمايلى اطمن عليهم وعرفت الحياة ماشية ازاى وبقيت اتعامل مع الناس بشكل طبيعى جدا ده انا ماكنتش بضحك نهائى وتقريبا مالعبتش وانا صغيرة خالص لكن دلوقت بقيت اضحك وكل حاجة وبقيت اعرف اتصرف فى مختلف المواقف هبلة انا مش كده؟
|