اقتباس:
المشاركة الأصلية كتبت بواسطة احبكـ ربى
السلام عليكم و رحمة الله و بركاته
وعليكم السلام ورحمة الله وبركاته
***
ازييييكم يا طلاااب عاملين اييييه ف الصيام ؟؟؟؟
الحمــــــــد لله يا جميل ,, تمام والله ,,
بصوا انا جاتلى فكرة كدا كانت متاخدة من موضوعى القديم " هتتتحل المشكلة ع الهوا "
لكن موضوعى دا عبارة عن ان احنا هاختار عضو/ة متفوقة و ممتازة و ما شاء الله مجتهدة و هانسالها كدا شوية اسئلة و هانشوف هاتجاوب عليهم ازاااى و يمكن نستفيد منها.. و ياريت كل عضو يدخل و يقول رقم جلوسه
( طبقا لطلبات الاعضاء  )
و الاسئلة ..
ايه اكتر مادة بتحبيها و ليه ؟
بصراحة اكتر مادة كنت بحبها ,,
الفيزياء ,,
علشان فيها تفكير ومش محتاجة لحفظ كتيــر ,,
بصراحة كنت بتسلى بيها ^^
ـــــــــــــــــــــــــــــــــــ
ايه اكتر مادة بتكرهيها و ليه ؟
كنت بكره الدراسات الاجتماعية جداااا
وخصوصا التاريخ ,, ده وانا فى الاعدادية ,,
اما الثانوية فأكتر مادة كنت بكرهها ,,
الادب والنصوص ,,
علشان كله حفظ  ,,
ــــــــــــــــــــــــــــــــــــــــــــــــــ ـــ
نفسك تطلعى ايه و ليه ؟
انا خلاص طلعت والحمد لله ,,
دكتورة صيدلانية ,,
علشان بحب الحجات العملى
وصيدلة كلها عملى ..
وكمان عشان كنت بحب الكيميا
ولا يخفى عليكم ان صيدلة كلها كيميا ,,
ـــــــــــــــــــــــــــــــــــــــــــــ
بتأيدى موضوع السهر ؟
اممم ,, انا نفسى كنت بسهر كتيــــر ,,
بل ان فى ساعات كنت بروح الامتحانات من غير ما أنام نهائى ^^...
دمار والله
ــــــــــــــــــــــــــــــــــــــــــ
بتذاكرى على حوالى كام ساعة
" ماتخافيش احنا هنا اخواتكمش هانحسدك " ؟
فى 3 ثانوى بس
حوالى 13 ساعة بصراحة
وساعات كانت بتوصل لــ 16 ساعة
ـــــــــــــــــــــــــــــــــــــــــــــ
ايه اكتر وقت بتحبى تذاكرى فيه ؟
بالليل ,, من الساعة 7 وطالع بقى ,, 
ـــــــــــــــــــــــــــــــــــــــــــــــ
ايه اكتر مشكلة بتواجهك اثناء المذاكرة ؟
الحجات الحفظ ,, كانت بتاخد منى وقت طويل جدا
ـــــــــــــــــــــــــــــــــــــــــــــــ
مكان الامذاكرة عندك مناسب ؟
آه الحمد لله ,, مناسب,,عايز اللى يذااكر بس
ـــــــــــــــــــــــــــــــــــــــ
ايه اخبار اصحابك بيشجعوكى و لا ايه ؟
كنت واخداها منازل والله ,,
مكونتش بروح المعهد أصلا ,,
وكل دروسى كانت فى البيت بردو ,, 
يعنى مكونتش بشوفهم خالص ,,
وانا اصلا بفضل اذااكر لوحدى ,,
ـــــــــــــــــــــــــــــــــــــ
ارتاحى شوية كدا و خدى دوول
* ايه هى هواياتكـ ؟
الرسم والتصميم ,, الشعر ,, الكمبيوتر ,,
بصراحة أغلب الحجات بحبهااا ,,
هتلاقينى ناطة فى اغلب المجالات يعنى
* ايه طموحكـ ؟ و ايه هوا حلمكـ ؟
طموحى بجد ربنا يرضى عنى وادخل الجنة واشوف النبى
صلى الله عليه وسلم ,,
حلمى (( ربنا يحبنى ويرضى عنى ))
بالنسبة للدنيا بقى ,,
كنت بحلم بصيدلة ,, والحمد لله دخلتها بفضل ربنا ,,
*ايه اقتراحاتكـ عشان التعليمـ ف مصر يتغير ؟
يكون مكان التعليم نضيف اولا ً
علشان الطلبة يبقى عندها قابلية انها تروح ,,
ويبقى في تشجيع من المدرسين للطلبة علشان بجد يحسو ان فى حد مهتم بيهم ,,
ويكون فى نشاطات فى المدرسة ,,
ومناهج التعليم تتظبط وتتعدل شوية ,,
بصراحة نظام التعليم عايز شوية تغيير محترمين علشان ينصلح حاله ,,
ــــــــــــــــــــــــــــــــــ
*ايه اللى نفسكـ يتغير ف مصر ؟
حاليا ً
الناس تبطل كلام على الدكتور مرسى ,,
ويسيبوه يشتغل بقى ,,
لان بجد حرام ,,
الراجل هينشغل بايه ولا بأيه ,, ؟؟!!!!!
ونفسى بجد نبقى أيد واحدة ,,
كلنا هدفنا واحد ,,
ان مصر تقوم فيها نهضة
العالم كله يتكلم عنها ان شاء الله
ثم اختارى العضو/ة اللى بعدك ..
بصى يا قمراية ,,
انا هختار واحدة موش عارفة اخترتوها ولا أيه !!
الاخت :fatima
ودى صفحتها الشخصية ^^
http://www.thanwya.com/vb/member.php?u=680401
و اتمنى يعجبكوا الموضوع ...
طبعا يا قلبى الموضوع رائع والله ,,
ربنا يباركــ فيكــِ ,,
ويحقق احلام وطموحات كل مسلم ومسلمة يارب ,,
جزاكــِ الله خيرا على الاستضافة الرائعة ,,
ومشكورة يا مروة على اختيارك ليا ياقلبى ,,
جزاكم الله خيرا حبايب قلبى ,,
فى امان الله ,,
|
ما شاء الله عليكى يا رحاب ربنا يكرمك دايما و يرزقنا و اياكى رضا الله عنا و رؤية النبى عليه افضل صلاة و سلام ..
انتى ما شاء الله مبدعة دايما و هواياتك دى انما هى مواهب ربنا عطاها ليكى ياريت تستثميريها كويس و ماتمويتيهاش ..
و عقبال التخرج من صيدلة كدا باذن الله يارب ..
نوووووووووورتى يا رحاب يا قمررر
**
و احنا ما اخدناش فاطيما و هابعتلها رسالة دلوقتى
و منتظرينها ..
__________________
{وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ } |