اقتباس:
المشاركة الأصلية كتبت بواسطة barsoomhanna
طيب عملت التحويل الورقى ازاى ؟؟؟؟؟
|
بص حضرتك ببساطه
التحويل الإلكتروني شبه كافي بالنسبة لأي شخص بيحول للمنطقه الجغرافية أ
اما التحويل الورقي فدا شيء مختلف خالص بيتعمل على أساس إن الشخص يجيب اثبات سكن في المحافظه الي فيها الجامعه ال عاوز يحول إليها
يعني وصل ميه او نور او غاز او تليفون
ويكون عدى عليه 6 شهور
ويروح لمكتب التنسيق التابع ليه الجامعه الي عايز يروحها
يعني انت عايز تروح هندسة حلوان يبقى تروح لمكتب تنسيق حلوان
بياخدوا منك صورة شهادة الدرجات بتاعتك وصورة شهادة الميلاد وإثبات السكن و 150 جنيه وبتملى شوية بياانات هناك وبس كدا
وبعد بداية الدراسه بتظهر بقى نتيجة التحويل إذا كنت إتقبلت أو لا
بس المشكله إنّي قريت كلام غريب إن التحويل الورقي دا مش هيتفتح السنه دي
مع العلم إن انا حولت السنه ال فاتت
مع العلم بردو انه لما بيفتح بيفتح بعد نهاية التحويل الإلكتروني بفترة
يعني السنه ال فاتت فتح يوم 21/8
الله اعلم بقى السنه دي هيحصل ايه