[تغريد الطيور]

المشاركة الأصلية كتبت بواسطة NeOmUaRn

أسألتي أنا لنور الايمان :--


أن لم تكن انسانة ماذا تمنيت أن تكون ؟

كتاب يفتحه الناس ليستفيدوا به او قلم يستطيعوا انا يكتبوا به او ورقة حتى يكتبوا عليها


أيهما تفضلين :--

* الحياة والممات في مصر ؟

* الحياة في دولة أجنبية والممات في مصر ؟

* الحياة والممات في دولة أجنبية ؟

اكيد الاختيار الاول و من غير كلام فاضى بجد ( الحياة و الممات فى مصر )


هل تريد أن تسافري للفضاء ؟

هههههه لا بصراحة انا احلامى كتيرة ااه بس مش هاستفيد من زيارة الفضاء حاجة ( دا بالنسبة ليا انا ممكن ناس تانية يكون الفضاء ليها شئ مهم جدااا )


أي دولة أجنبية تودين أن تزوري ؟

نفسى اروح ( طوكيو ) حيث نشا كونان


من أقرب شخص إلي قلبك ؟

بابا و ماما و اخواتى كلهم و الله


هل تحبي الهدوء أم الاجتماعات ؟

هو الهدوء مش عكسه الاجتماعات ف انا طبعا بحب الهدوء اذا كنت بقرا او بذاكر او برسم او بكتب .. لكن الاجتماعات العائلية برده بحبها جدااااااااااااااا جداااا و بستنى العيد عشان بنشوف عيلتنا كلها مع بعض

ما الوقت الذي تشعري فيه بالراحة النفسية ؟

اذا كان وقت ( زمن ) ف بعد الفجر .. لكن ممكن يكون قصد حضرتك الفعل .. لما بكون برسم او اقرا قران او كتاب

ما رأيك في مصر بصراحة بدون كلام متزوق ؟

مصر .. دولة للاسف تاخرت جدا و دا بسبب كسل شعبها لكن ع الموارد انا اعتقد ان احنا عندنا كتيير جداا .. هى المشكلة ف الناس و الله لو بدئوا بنفسهم كل حاجة هاتتصلح .. لكن انا بجد و الله فخورة فعلا و مش كلام و بس انى مصرية بحس ان الشعب المصرى ليه روح كدا بتميزه عن غيره زى الفكاهة الطيبة ..



هل تري أن العيب في الشعب أم في الرئيس ؟

للاسف الشديد ف الشعب


ما أكثر وقت احتجتي فيه أن تتكلمي مع أحد ما ؟

امممم بصراحة مش هاينفع اقول

من أكثر عضو في المنتدي تظنين أنه ليس كما يدعي ( بصراحة ) ؟

لا مش بحب اجيب سيرة حد دا احنا ف رمضان

كيف تقضين يومك ؟

سؤال قصير اجابته طويلة .. ف الدراسة اليوم كله كله عبارة عن ( مذاكرة و دروس و احيانا مدرسة و نوم و صلاة ) .. ف الاجازة بقى بقعد ع النت كتيير و بقرا كتب و برسم و ممكن اطرز و اذا لزم الامر بساعد ماما بغتت على اخواتى

أيهما تفضلين النور أم الظلام ؟

اكيد النور
بس لما النور بتقطع بقعد اخوف اخواتى و بتبقى حاجة جمييلة

عندما تغمرك السعادة من أول من تشاركيه اياها ؟

ماما ثم اختى ثم بابا ثم بقية اسرتى


أتمني ألا تكن أسألتي صعبة

اااه يا صوابعى خلاص انا اتدمرت .. معلش الاجابات مش طويلة اوى بس انا مستعجلة عشان سرقت الاب من اخويا و استغليت فرصة انه مش هنا