[ahmed H capo]

مشكلتي اني عمري مبأذي حد ولا بغلط في حق حد ولو حصل حتي لو انا مش غلطان
بتأسف
حتي لما حد بيظلمني او بيعاملني وحش عمري مبطلع غضبي فيه
بالعكس بعامله احسن ما هو بيعاملني
تقريبا كل الناس بطلع غضبها فيا اكمني طيب ومتسامح وبعدي
حتي لما بزعل من جد في خلال دقايق بنسي اني زعلان منه واكلمه واهزر معاه وعادي جدا
بس بكتشف اني لما بغضب او انتقم بأنتقم من نفسي !!
اني ببعد عن ربنا وبعمل حاجات كتيرة بندم عليها مع نفسي
ومش بقدر احافظ علي الصلاة خالص !!
لما باكون في ورطه بقرب من ربنا اوي
اول ما ربنا ينجدني منها
خلاص بنسي كل حاجة وارجع زي الاول !!
ومش بلاقي نفسي غير في شهر رمضان
وبقول استمر بعده
بلاقي نفسي رجعت للصفر
مش عارف هفضل كدة لحد امتي خايف اموت وانا مش في طريق ربنا
وفي نفس الوقت مش عارف اعمل ايه
جايز السبب ان في حد قريب جدا اكتر مما تتصوروا خذلني واكتشفت انه لا بتاع ربنا ولا حاجة وكل كلامه اوهام وهو مش بيطبقه
بصراحة مش عارف
بس نفسي معملش ولا غلطة في حياتي وافضل انسان مثالي وقريب من ربنا
بصراحة مش عارف اعمل ايه