[نورالحبيب]

اسأل الله العلى العظيم لكى طيب العيش فى الدنيا والاخره
ربنا يبشرك بكل خير
اليوم الجمعه 29 من رمضان حلمت فى وقت الشروق تقريبا
انى اقف فى مكان زى بلكونه بنظر للسماء فوجدت الشمس عن يمينى ولكنها شمس صافيه جدا بلا اشعه تكاد تكون بتبرق من صفائها ونظرت عن شمالى فى السماء فوجدت شمسا اخرى بردو صافيه بدون اشعه لكنها تحوى جواها زى كواكب او شموس بنفس منظر كوكب زحل حوليه دوائر كده جوه الشمس اللى عن شمالى فقعدت اقول الله اكبر سبحان الله ومتحيره ازاى شمسين فى وقت واحد وشكلهم رائع كده
فوقفت شويه انظر لهم ودخلت لاختى السيده زينب انده لها هى ووالدتى عشان يشوفوا المنظر ده اختى جت مجرد مادخلت بقول لها بصى على يمينك فمجرد مانظرت الشمس اختفت تدريجيا وهى مشافتهاش فاستغربت جدا فهى قالت لى مفيش حاجه بس انا شايفه الشمس وهى بتختفى وشايفه مكانها كمان زى مايكوت بيبرق وشفاف ..فقلت لها طب بصى على شمالك حصل نفس الشىء وهى مشافتش حاجه فقلت فى نفسى دى علامه ليا وحدى ربنا باعتها لى مش عاوز حد يشوفها غيرى فلما اختى دخلت فضلت واقفه ابص لمكان الشمسين اللى اختفوا بس مكانهم كان شفاف وبراق وكأنهم ظاهرين شفافين ....وشويه والدنيا مطرت بس مطر غريب شويه المياه صافيه وقويه جدا ومتتابعه بس الجو كان جميل مش برد والمطر منزلش عليا نزل قدامى
جزاكى الله خير الدنيا والاخره انا اشعر ان فى رساله معينه فى هذه الرؤيا الله يعينك ويوفقك لتفسيرها .......ربنا يكرمك ويفتح لك من ابواب العلم والدين بما شاء وكيفما شاء يارب العالمين