اقتباس:
المشاركة الأصلية كتبت بواسطة علوة حامد
-شباب الاخوان هم ثمرة تربية وعلم قيادات الجماعة فإذا أثنيت على الشباب بالتالي انت تثنين على القيادات صاحبة الفضل على شباب الاحوان
- بمشوا وراء رأي واحد
هذا من اكثر ايجابيات الاخوان
واكثر ما تعانيه الجماعات والاحزاب الاخرى الخلاف بعد أخذ الرأي وهو ما يؤدي لاضعافها
أما الاخوان فالقرارات تدرس على مستوى القاعدة ويتم الشورى عليها والاختلاف يكون كبير ولكن عند التصويت على رأي بالموافقة يلتزم الجميع المعارض قبل الموافق
فتصوري أن شركة ما تم دراسة قرار معين وتم التصويت عليه وبعد ذلك كل فرد حر ينفذ او يرفض القرار
ماذا يكون حال الشركة بعد سنه ؟!.....اكيد لن تكون موجودة
|
لا يااخى مش معناه اننا اثنيت على شباب الاخوان ده معناه انى باثنى على القيادات انا ضد القيادة تماما ومش هاكون معاهم بسبب اللى انا شوفته واللى عملوه وقت الدعاية الانتخابية وفى المساجد اللى بتدعو لذالك ولكن الوم شباب الاخوان انهم شايفين ان ده صح وساكتين
ومع ذالك فى ناس بتنفصل من الجماعة
وهقول لحضرتك مثال بسيط من حكم تعاملى مع ناس كتير اتعلمت ان الاهل بيكونوا ليهم دور كبير نعم فى تربية الابناء ولكن الاخلاق بتبقى نعمة من عند ربنا يعنى ممكن نلاقى الاهل كويسين ولكن الابناء متمردين وبدون اخلاق والعكس فى ناس مش متوفرلها البيئة الصالحة وبالتالى سبحان الله بيطلعوا فى قمة الاخلاق دى بتبقى من وجهة نظرى نعمة بجانب دور كبير من الاهل ولكنه مش الدور الاوحد والدليل ان فى ناس بيطلعوا يلاقوا اهاليهم من الاخوان فبيدخلوا هما كمان وفى ناس بتدخل من تلقاء نفسها ومافيش ولاحد بيعرفوه من عائلتهم فى الاخوان ده امر نسبى
وعن حكاية الشورى فى ناس انفصلت بسبب الموضوع ده وانا ربنا كرمنى وليا شخصية مستقلة وعندى عقلى اللى اختار بيه مين انتخبه ماحدش يفرض عليا دى مالهاش علاقة بالشورى انا لو بابايا نفسه مترشح للرئاسة وانا مش شايفاه كفء مش هاختاره وهااختار غيره
بس للاسف هما فاكرين ان هو ده الاسلام وانهم كده بيدافعوا عنه ماانا ممكن من بكره ادخل الجماعة ويرشحونى وابقى رئيسة جمهورية وانا عارفة نفسى اننا مش كفء واسمى مسلمة وعايزة انصر الاسلام وخلاص مش دى الفكرة الفكرة هى الحفاظ على البلد لدرجة اننا لو شوفت يهودى مترشح للرئاسة بس هايخلينا زى اليابان فى التقدم والعلم هانتخبه اكيد
اسفة على الاطالة بس كان لازم اوضح
جزاك الله خيرا
بالتوفيق