اقتباس:
المشاركة الأصلية كتبت بواسطة دكتورة منة
لا يااخى مش معناه اننا اثنيت على شباب الاخوان ده معناه انى باثنى على القيادات انا ضد القيادة تماما ومش هاكون معاهم بسبب اللى انا شوفته واللى عملوه وقت الدعاية الانتخابية وفى المساجد اللى بتدعو لذالك ولكن الوم شباب الاخوان انهم شايفين ان ده صح وساكتين
ومع ذالك فى ناس بتنفصل من الجماعة
وهقول لحضرتك مثال بسيط من حكم تعاملى مع ناس كتير اتعلمت ان الاهل بيكونوا ليهم دور كبير نعم فى تربية الابناء ولكن الاخلاق بتبقى نعمة من عند ربنا يعنى ممكن نلاقى الاهل كويسين ولكن الابناء متمردين وبدون اخلاق والعكس فى ناس مش متوفرلها البيئة الصالحة وبالتالى سبحان الله بيطلعوا فى قمة الاخلاق دى بتبقى من وجهة نظرى نعمة بجانب دور كبير من الاهل ولكنه مش الدور الاوحد والدليل ان فى ناس بيطلعوا يلاقوا اهاليهم من الاخوان فبيدخلوا هما كمان وفى ناس بتدخل من تلقاء نفسها ومافيش ولاحد بيعرفوه من عائلتهم فى الاخوان ده امر نسبى
وعن حكاية الشورى فى ناس انفصلت بسبب الموضوع ده وانا ربنا كرمنى وليا شخصية مستقلة وعندى عقلى اللى اختار بيه مين انتخبه ماحدش يفرض عليا دى مالهاش علاقة بالشورى انا لو بابايا نفسه مترشح للرئاسة وانا مش شايفاه كفء مش هاختاره وهااختار غيره
بس للاسف هما فاكرين ان هو ده الاسلام وانهم كده بيدافعوا عنه ماانا ممكن من بكره ادخل الجماعة ويرشحونى وابقى رئيسة جمهورية وانا عارفة نفسى اننا مش كفء واسمى مسلمة وعايزة انصر الاسلام وخلاص مش دى الفكرة الفكرة هى الحفاظ على البلد لدرجة اننا لو شوفت يهودى مترشح للرئاسة بس هايخلينا زى اليابان فى التقدم والعلم هانتخبه اكيد
اسفة على الاطالة بس كان لازم اوضح
جزاك الله خيرا
بالتوفيق |
عندما تتدخل عواطف الناس والعوام فى تقرير مصالح الدول العليا دون درايه واضحه وعميقه ومن بعد تجربه سلطويه طويله تصل لتلك الكوارث وخصوصا اذا ارتدت السلطه رداء الدين الملائكى الخادع للقلوب قبل العيون
عندما يفق البعض من سكرات الكراهيه للماضى والذى ذهب
والذى مازال يستخدم لخدمه اغراض فئه ضيقه من الناس
سيصدم الكثيرون وسيندمون وقت لا ينفع الندم
مرسي وجماعته كا فحوا ودبروا طويلا للوصول لهذا الاستحواذ الكلى على الدوله
مبدا التمكين معروف جدا فى ادبيات الجماعه ....لمن يقرا
فلا تنتظروا ان يبدد ثمره كفاح جماعته بتلك الرومانسيه التى يعيش فيها البعض
افيقوا......